東網電視
更多新聞短片
1/16
屋企天花有橫樑，除咗設計上唔美觀外，有傳會影響住戶身心健康，輕則頭痛，重則神經衰弱添...今期《睇樓逐呎度》參觀北角君悅華庭嘅三房連套房單位，表面上睇落平平無奇，但誓估唔到靠近露台嘅客房及主人房之間，有條大橫樑橫跨兩間房，正宗係「橫樑壓頂」，搞到衣櫃都要度身訂造先擺得落，認真麻煩！
單位實用面積704方呎，經過小玄關即達L形大廳，客飯廳分明，面積近200方呎。客廳採橫廳設計，窗位加露台位長約14呎，即使樓底只有僅8.5呎，室內仍然係光猛舒服；而飯廳位置貼近大門旁嘅廚房，兩者連繫性強，但係地方較淺窄，放置正常一張餐桌都有難度。
單位最失色地方莫過於主人套房，長度雖然逾14呎，但闊度只有6.5方呎，較附近傳統豪宅普遍特大嘅主人房，明顯逼狹得多，加上窗位唔夠4呎，採光度略嫌不足。旁邊嘅大客房闊度更只有6.1呎，相比起近10.5呎長度，比例同樣唔合理。
兩個浴室開則勻稱，面積同約30方呎，比較同區傳統豪宅嚟講，屬於「迷你」級別。至於廚房亦有角位，拖低實用性，但外連一個細小工作平台，方便晾曬衣物。
北角天后廟道屬傳統豪宅地段，單幢樓君悅華庭，樓齡14年，鄰近英皇道及港鐵天后站，靜中帶旺。世紀21北山嚴智贇表示，君悅華庭近期有同類三房單位以1,140萬港元售出，現時同類放盤價最平1,400萬元，偏離市價。
─ ─ ─ ─ ─ ─
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！
遊戲下載： https://goo.gl/7JP2hm
