葉氏化工億幾買隻老「駱駝」！

東網電視

駱駝漆老字號回歸港資。

又有香港老字號品牌易手！如果講國民製煉漆油(NLPP)大家未必知，但提到植根香港85年歷史嘅經典油漆品牌「Camel」(駱駝)漆，就算年輕一代未聽過駱駝漆舊時「髹乜都一流」嘅廣告洗腦歌，都應該去過觀塘駱駝漆中心食過嘢、濕過平，有啲印象啦。

查實喺2011年，NLPP已經同澳洲上市Dulux Group旗下德家朗國際完成合併，成立咗合資德家朗駱駝國際，分別由雙方持有49%及51%股權。所以，今次葉氏化工(00408)用超過1.13億元，向有關方面收購番駱駝漆等品牌及資產，都算為港資同業爭光。

葉氏化工更講明，唔介意駱駝漆、「Aquapro」及「Viva」等品牌業務在收購前兩個財年仲蝕緊錢，相信收購有助鞏固佢喺中港市場嘅地位，仲可以同Dulux Group建立長期合作關係等。睇嚟葉氏化工老闆葉志成唔止拍自傳電影有一手，投資宣傳推動自家品牌都幾有遠見喎。

─ ─ ─ ─ ─ ─

「致富智庫」領悟理財/職場智慧，一Click改變一世

東網已全面支援360影片及相片，讓你全方位睇盡新聞大事，恍如置身現場，立即登入東網360專頁：

「東網Money18」全新功能「板塊追蹤」，助你分析投資先機

「東網Money18」全新功能「貼市貼士」，助你掌握投資先機

on.cc東網