睇樓逐呎度： 滙景花園「巨鑽廳」好唔好使？
20180909
東網電視
更多新聞短片
一聽到「巨廳」，就以為地方夠大一定係筍盤？事實上話畀大家知係未必！今期《睇樓逐呎度》藍田滙景花園嘅三房單位，採用咗80至90年代嘅鑽石廳設計，話就話面積逾200方呎，長逾21呎，空間感其實唔輸蝕畀方形廳，但細心啲睇吓間隔，客廳絕對稱得上係三尖八角，呢個三角形廳真係諗吓計，解決擺位嘅煩惱啦！
單位實用面積614方呎，大門位置不設玄關，樓底高8.35呎，內設有3個房間，間隔四正，從廳堂走進寢區盡頭嘅主人房，需經過逾10呎長嘅走廊，認真嘥位。主人房面積逾90方呎，空間闊落，且有對流窗，光猛通爽。美中不足嘅係，其中一扇闊約3呎嘅窗戶設於牆中間，頗阻礙擺位。2個客房面積分別為63方呎及55方呎。
值得一提嘅係，廳堂及各房間均設有小窗台，實用性低。廚房面積逾40方呎，但有角位，要訂造廚櫃先可以善用空間。浴室則位於客房旁邊，面積約33方呎。
滙景花園係九龍知名大型屋苑，坐落港鐵藍田站上蓋，加上主攻三房單位，成為唔少家庭客租樓對象。世紀21聯誠謝寶昭表示，8月屋苑只錄4宗租務成交，較去年同期為少。他續指，是次走訪單位為屋苑入門版嘅三房戶型，同類最平租盤每月叫22,000港元，景觀較佳的單位月租24,000元起。
－－－－－－
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！立即免費下載，體驗《骰寶坊》最真實、刺激的多人在線骰寶遊戲！
遊戲下載：
中美貿易戰開打，全球震動，即上東網專頁
樓市乍熱，想睇更多一、二手樓精彩故事，即click以下連結：
新盤置啱睇
二手置啱Feel