玲玲師傅帶隊拜車公

香港時間
2015年02月21日(六) 13:16
東網電視
更多新聞短片
坊間有指轉錯車公風車會由好運轉衰,玲玲師傅指絕無其事。
1/6
今日大年初三赤口,​很多人都鍾意去拜車公祈福。其實,拜車公嘅流程一啲都唔複雜,不外乎準備祭品同車公衣,係大香爐上香,排隊轉風車,最後求支靈籤問吓運程咁,但係參拜期間有咩要注意、求籤點樣先夠靈你又知唔知?一齊嚟請教麥玲玲師傅啦!
好多朋友都習慣年初三嚟拜車公,到底拜神方面有咩特別要注意呢?衣着方面,師傅建議要齊整、端莊,因為拜神就好似同長輩拜年一樣;顏色就盡量以鮮色衫為主,紅色、橙色、綠色都屬搶旺顏色,忌用黑色、灰色等沉色;當然,背心、短褲、拖鞋都唔適宜啦!祭品方面反而較隨心,師傅個人認為應避免帶肉類入廟,以生果、鮮花代替已經足夠,生果可以揀6種唔同顏色,但拜神好少會用瓜同梨嘅。
至於祈福或拜神嘅特別規矩呢,其實都係心誠則靈。以求籤為例,求之前要稟明自己個名同想問嘅嘢,問題要精準唔可以太廣泛,否則求咗支籤都唔知點解,如果問成世人嘅事業運,一支籤好難解,但改問「我今年好唔好轉工?」、「我今年上半年遇唔遇到合適嘅對象?」或者「呢個男仔係咪適合我?」呢種明確嘅問題就較容易得到答案。其實,求籤並非必須,純粹嚟拜神亦可,但祈過福或者許過願而到年底係成功的話,就記得要嚟還神啦!
玲玲師傅教路,想求得靈籤,問題就要明確。
師傅提醒大家,有祈福許願而願望達成的話,年底記得要還神呀!
沙田車公廟香火鼎盛,初三赤口更到處煙霧瀰漫。
無論帶的是什麼祭品,燒的是什麼香燭,師傅強調,拜神祈福,旨在心誠則靈。
師傅話,廟內應避免肉類祭品,仲唔收返埋隻燒乳豬?
感謝您瀏覽東網。請按入詳細閱讀本網站所載之使用條款及細則私隱政策聲明,並須確定您同意接受有關條款及聲明的約束才可繼續瀏覽。