東網電視
更多新聞短片
場地會擺放不同吹氣雕堡，掩護靠晒佢！
1/7
Wargame一直都是極受歡迎的活動，槍林彈雨雖然夠爽，不過氣槍射中不但痛，火力大的話甚至會瘀！原來想無痛打Wargame都有辦法，好似近年新興的Nerfare，玩法與Wargame一樣刺激，特別在於改用發泡膠子彈，超近距離射中亦完全唔痛，盡情廝殺都冇顧慮。Nerfare其實是本地Live Game團體Awesomer與Nerf合作研發的射擊活動，Nerfare以隊制形式進行，人數由最少4對4以至最多10對10，而場地多數選擇室內運動場或者足球場，大熱天時玩都冇問題。
場地會劃分為兩邊陣營，亦會擺放唔同類型的吹氣雕堡，而場地中間位置就會劃為戰鬥區。用家只需穿起分隊背心、保護眼罩、護膝就可以開戰。Nerfare其實以故事形式進行，分為3個章節，就以第1章節為例，目標就是隊伍間要鬥搶位於戰鬥區內的能源球。遊戲內設有Commander（指揮官）、Engineer（工程師）或Masksman（神射手）三個角色讓玩家扮演，各個角色有指定移動範圍及職責，亦會分派不同級別武器。就以Masksman為例，不可以走入戰鬥區，只可以於自己陣營內活動，但就會分派火力較強的槍，玩遠距離攻擊。而Engineer角色亦相當重要，皆因只有Engineer可以走入戰鬥區內收集能源球帶返基地，又或者於戰鬥區內執拾子彈交予隊友，如果此角色由運動能力高的隊友擔任，自然勝算大增。Commander則屬隊伍中的大腦，既要與場內裁判溝通，亦要設定不同團隊策略，齊齊分工合作。要留意的是，玩家中槍後需要原地放低手上的能源、子彈，亦要即時返回基地並停留10秒，之後才可以繼續進行遊戲。每章節的時限均為5分鐘，時間不會太長，節奏超快。
同場Nerf亦推出最新Modulus系列ECS10半自動步槍，特別在於提供一系列升級套裝，可以組合出1,000個形態，可因應不同情境變形。而玩家參與Nerfare時當然可以自備不同類型Nerf槍上陣，不過就要事先由裁判檢定槍械威力，確保比賽於公平情況下進行。
模特兒：Elke（Zmodel）
Nerfare詳情：
時限：2小時
收費：$4,500（5對5、包括場地）、$8,000（8對8、包括場地）
查詢：9780 5804
參賽者要穿起分隊背心、保護眼罩、護膝。
ECS10半自動步槍的發射威力相當強勁，連發速度亦極高。
各玩家要不斷穿梭戰鬥區、基地，亦要躲避敵方攻擊，體力消耗絕對不少。
另有一系列升級套裝，可以再為ECS10加強威力。
場地亦會擺放小型標靶，可供玩家練習。
子彈採用發泡膠打造，近距離擊中都無傷害性。
