東網電視
更多新聞短片
肌肉男靚唔靚仔見仁見智，最緊要可以近距離接觸，邊食燒肉邊欣賞肌肉。
1/3
外國時裝品牌前幾年進軍香港時請來一班外籍肌肉猛男做Model，結果「肉食女」空群而出，又攬又抱爭相合照。如果你也是「肉食界」的中堅分子，而今個星期又咁啱去東京旅行，無論如何都要抽時間去惠比壽的「焼肉おおにし」燒肉店開餐，保證可以盡情滿足「獸性」。
日本餐廳最鍾意搞主題活動，這間人氣燒肉店最近就與肌肉集團「マッチョ29」合作，由昨日開始至11月9日將會變身成為「マチョ肉屋」（肌肉屋），請來一班猛男除去上衫盡展Muscle，一邊為你送上燒肉一邊擺出健美先生式的甫士大曬胸肌，搞笑又好玩。與大隻佬合照都未夠喉？客人仲可以在肌肉上貼上貼紙，乘機抽下水，諗起都想即刻買機票飛去東京。
谷行老鼠仔為你送上飲料，想不想「射波」飛去東京歎燒肉呢？
燒肉店的食材其實都很有水準，不過大家似乎都醉翁之意不在酒吧！
