東網電視
更多新聞短片
一套9個利是封，外表看起來沒甚麼特別。拼起來原來可成為精美（絕不捨得派）的飛行棋棋盤。
1/4
農曆新年將至，各大商戶已陸續印製好自家利是封，送給客人過節，由於利是封夠獨特，「見封如見人」，所以有些精心設計的利是封，往往教人年復一年引頸以待，而航空公司中，以維珍航空的利是封最出名，一係靚到唔捨得用，一係似玩具多過似利是。
今年的維珍利是封一套有9個，各印上不同圖案，睇真啲，原來拼在一起可變成飛行棋的棋盤，另外還有3張卡紙，分別可摺成4組棋子和一粒骰子，派利是時若興之所至，真的可以拼在一起玩番轉！棋盤上畫有倫敦的大笨鐘、Tower Bridge和香港維港兩旁的一些地標，十分精美。
由即日至1月31日，大家只需登入以下活動網址參與擲骰遊戲，首20位以最少擲骰次數飛抵倫敦的玩家，將可贏得2套利是封，過節時玩開魚蝦蟹的朋友，不妨順便來擲個骰仔啦！
其中2張卡紙變成飛行棋。
除利是封套裝附送的其中一張卡紙可以摺成骰子。
去拜年時若覺得冇話題，不妨拿一套利是出來，大家捉盤棋破冰。
