又見雪飄過……5招影雪　即學即曉

日前有市民於新界區影到疑似飄雪，唔理佢堅定流都好，唔少人喺尋晚已經衝上山博睇飄雪或結霜。呢類奇景齋睇梗係唔夠喉，一於帶埋相機影相啦！今次送上5招雪景拍攝小知識，即學即上手，唔理喺香港定外國都一樣有機會用得着。<br/><br/>第1招：高速快門凝結飄雪<br/>香港落雪嘅機會一向好微，就算真係有，極其量都只係得零散飄雪，呢個時候用1/100秒或以上高速快門，便能凝結雪花。假如使用較慢的快門速度，例如1/50s或以下，飄雪便會呈線狀落下，另有一番景象。<br/><br/>第2招：增加曝光提升亮度<br/>假如大家習慣由相機測光的話，影出來的雪景有機會曝光不足，皆因雪地會有很多位置出現反光，影響相機的測光系統。建議拍攝雪景應增加曝光補償一級，亦可使用包圍曝光進行「大包圍」拍攝。<br/><br/>第3招：偏光鏡減反差<br/>由於雪地本身非常反光，所以拍攝時有機會與景物形成很大反差，所以不妨使用偏光鏡（CPL濾鏡），消除不必要的偏振光，令雪地和景物的曝光得以平衡。此外，偏光鏡亦有增加色彩飽和度的功效，令影像變得鮮艷。<br/><br/>第4招：陰天白平衡除藍調<br/>唔少人影相會使用自動白平衡，不過影白茫茫的雪景，大部分情況都會出現偏色問題。要將雪景變番「白雪雪」，其實可使用陰天白平衡，又或者把色溫調校到6,000K左右。<br/><br/>第5招：忌用閃光燈<br/>環境唔夠光，用閃光燈是常識吧！之不過一旦遇上飄雪或大風雪，就建議唔好用閃光燈，事關在飄雪環境下用閃光燈影相，雪花在畫面中會變成大大粒光點，唔夠光建議提升ISO或減慢快門。