五招解決失眠　勁Work！

Click得入嚟，你一定被失眠搞得頭痛無精神，唔講咁多，即刻醒你5個「連醫生都用佢」的解決失眠方法！<br/><br/>1.矛盾取向法 <br/>同大腦鬥唔​瞓！​情況跟你捱夜睇波、上堂聽書一樣，你愈告訴大腦不要睡，你便愈想睡！​利用矛盾取向法，反向意識，精神科醫生都話呢招最有效！<br/>做法：先關燈，張開雙眼望着天花板，心裏跟自己說不要睡，看看自己能捱多久！通常20分鐘即見效，孕婦失眠亦適用。<br/><br/>​2. 4-7-8​呼吸法 <br/>曾接觸瑜珈和冥想的人，都​會​建議​你​從調節呼吸入手，​早前​美國哈佛醫學博士Dr. Andrew Weil亦提倡​過​「4-7-8呼吸法」​，​放鬆心情。<br/>做法：躺在床上，用鼻吸​氣​4秒，閉氣7秒，口呼​氣​8秒，​​​秘訣要慢數​。​<br/><br/>3. 肌肉放鬆法<br/>好多人以為自己識放鬆，其實身體仲好繃緊，收緊肌肉會可以幫到真正的「全身放鬆」！<br/>做法：由腳趾開始，用力繃緊10秒，​然後​放鬆​；​由​腳趾​、​​小腿、大腿、腰、手、肩膊至頸部​向上做，​​秘訣要慢​。​​<br/><br/>​4. 做運動 <br/>做完運動特別攰，啱！但係講3小時後的事。帶氧運動會釋放腎上腺素，令你愈做愈精神！<br/>做法：腎上腺素要2至3小時才回落，建議睡前3小時不宜運動，應該飯前做才對。<br/><br/>5. 飲奶吃香蕉<br/>肚餓會影響睡眠質素，少量進食能提供飽肚感。<br/>做法：香蕉含鎂，牛奶包含色氨酸，兩樣都有安眠作用，適合作睡前肚餓的輕食，切忌吃得太飽，增加胃部負荷。