6大紋身貼紙搶Fo位　教你點襯至好睇

嗱！雖然依然有好多人覺得用紋身貼紙Tattoo Paper係一件好「鱷魚頭老襯底」嘅事，但它在年輕人的世界裏人氣急升也是不爭的事實，在這個訊息萬變嘅時代裏，變幻才是永恒，紋身都可以咁Fast Fashion，問你死未？不過亦唔好一味鬧住，其實換個角度諗，將紋身貼紙當成係手鏈、頸鏈等Accessories咁用，又真係幾OK喎！手鏈你都會得閒換吓款唔會日日戴住嗰條啦，咁假嘅紋身一頭半個月換吓又何妨先？<br/><br/>不過既然將紋身貼紙當作成首飾般去看待，即係話當中定必涉及Mix & Match的配襯學問，紋喺邊個部位，襯啲咩衫同埋Show幾多個紋身出嚟，都要經過一定的計算同拿捏才稱得上有型，今日就同大家精選6個最搶Fo的紋身貼紙部位及一些配搭小技巧吧！<br/><br/>【1.手腕】<br/>Bracelet Tattoo絕對係近年紋身貼紙之中最王道的款式，只因港人向來就鍾意將形形式式的手鏈穿戴在手腕上，特別係熱到嘩嘩聲的夏天，手腕點都要有一點Accessories才叫入型入格(光着兩隻手臂乜都無好肉酸架！)，而Bracelet Tattoo比起真實手鏈的一大好處就係觸感舒適，唔會令你覺得累贅，確保你夏日炎炎仍然得以維持通爽狀態。<br/>當然如果男人嫌Bracelet Tattoo有點姣的話，其實Watch Tattoo都會係一個選擇，買唔起過百萬的PP，依家就「貼」上去吧！<br/><br/>【2.脖子】<br/>頸部紋身貼紙大致分2類，為初入門的圖案式及進階的頸鏈式，圖案式很簡單，就係將一個公仔圖案貼到頸側部分就可以了，小巧卻入目三分，而頸鏈式紋身雖然有型，但貼紙款式就一定要小心選擇，否則搞到成個陳浩南咁就唔係幾好了。<br/><br/>【3.小腿、腳踝】<br/>由於夏天通常會着短褲、短裙，所以小腿以至腳踝一帶的Mix & Match就十分重要，傳統時裝人就會諗到着襪，但其實用上紋身貼紙也是個上佳選擇，而且這部分的紋身唔需要大同多，精而簡就夠了，絕對是玩Tattoo Paper的簡單和定番部位。<br/><br/>【4.背脊】<br/>至於背脊的紋身貼紙就可大可細，要優雅一點嘅，細細地揀個雕花式圖案就OK，如果想豪邁些嘅話，就豁出去貼個可以覆蓋全身的特大紋身吧，印住去沙灘就一定搶爆Fo喇！<br/><br/>【5.大腿】<br/>這部分應該是女性專利吧，性感熱褲或連身短裙配以環狀式紋身貼紙，完全打造出一種「黑絲誘惑」的效果，無論是用來配襯出街抑或是當性感內衣之用，均是一絕，但當然象腿就免問啦！<br/><br/>【6.手臂】<br/>作為男人世界最熱門嘅紋身部位，在手臂上紋身吸睛度從來都係最高，建議這部位的貼紙紋身可以玩得大和誇張耀目一點，七彩顏色的紋身就最適合不過，絕對是T-shirt背心的最佳拍檔。<br/><br/>部分紋身貼紙可於網上購買得到：<br/><br/>血痕插畫刺青貼紙紋身貼紙 HK$17.5 <br/>網址: http://bit.ly/1reynFv<br/><br/>情迷埃及紋身貼紙 NT$99 <br/>網址: http://bit.ly/1rwrCz9 <br/><br/>愛琴海風格紋身貼紙 NT$99 <br/>網址: http://bit.ly/232TNAZ <br/><br/>Surprise Tattoos / Geometric Abstractionism 抽象幾何紋身貼紙 HK$25.9 <br/>網址: http://bit.ly/1XU6Wv5 <br/><br/>迷幻花盤冒險蕾絲刺青貼紙 NT$100 <br/>網址: http://bit.ly/1rwseoz <br/><br/>LAZY DUO手繪風剌青紋身貼紙 HK$25.2 <br/>網址: http://bit.ly/1MVhMAk <br/><br/>特長特大全手臂款紋身貼紙 HK$38 <br/>網址: http://bit.ly/1T1tDZR <br/> <br/><br/> <br/><br/><br/>