東網電視
更多新聞短片
Fizz備有兩款色彩可供選擇，圖為Spectrum。今個周末於亞洲國際博覽館舉行的《媽媽咪咪嘉年華》將有超強優惠，這款彩虹版Fizz將以超特價HK$999發售，數量有限，售完即止！
1/6
今朝睇新聞見到長沙灣那宗的士衝燈車禍，令唔少媽媽個心離一離，好彩被撞兩婆孫只係受輕傷，而那架BB車確實硬淨，被撞飛翻側，主人都冇被拋出車外，認真抵讚。原來呢款車係英國育兒用品名牌Silver Cross的出品，屬於FIZZ系列，以便利輕盈為賣點，車架以鋁質製造，只須單手，便可打開、折疊或調校斜度，還具備通風、耐磨、避震等特點，最重要是五點式安全帶設計，確保少主安全。
其實早於1877年成立的Silver Cross，歷史悠久不在話下，更獲英國王室重用，連伊利沙白女王、查理斯王子、威廉王子、喬治王子等王室成員都係用家，質素有幾堅可想而知。咪以為王者之選一定好貴，FIZZ系列的零售價只係HK$2,000，英國國旗版款於九龍尖沙咀海運大廈旗艦店購買更有折扣，只售HK$1,700，媽咪們可以諗諗。
查詢：2736 4777
Fizz系列，穩陣之餘，車身又夠輕巧。
周杰倫的女兒小周周也是Silver Cross的用家。（取自微博）
Silver Cross一直受英國王室重用，質素有幾堅，可想而知。（互聯網圖片）
憑演出電視劇《靚太唔易做》而為人熟悉的美國電視女演員Marcia Cross，買了兩輛Fizz給自己的雙胞胎。
喬治王子坐的BB車屬Sleepover車款，同是Silver Cross出品。
