東網電視
更多新聞短片
呢隻杯，基本上裝咩美食都得，呢個看似泰式沙律，用花生射龍門，唔係唔入呀？（影片截圖）
1/4
上班一族寫字樓枱面總有一兩件得意小玩意或小部件，最近發現網上都有隻搞鬼足球杯，可以用來盛載飲品、沙律、湯品等美食，杯一邊設有個「龍門網」，另一邊設「小平台」，如飲用熱朱古力，大可將棉花糖置於小平台，以手指「射」門，名副其實的手球。放心，不會有黃牌或紅牌罰球或出場。呢隻杯仲入得洗碗機清洗添，算方便，But價錢都算平，在Vat19網上平台訂購要24.99美元（連運費），兌約HK$194。最厲害是網站仲特意為呢隻杯拍咗條片，宣傳片入面位演員演繹生鬼，超過癮！不過友人睇完，拋底4粒字：「好L無聊！」
熱辣辣的湯品，要花時間等湯放涼，呢個時候的確可以玩吓射龍門。（互聯網圖片）
睇球場時放小食，半場空檔乘機射龍門打發時間。（互聯網圖片）
足球杯全面睇，最重要是呢隻杯可以懶到放入洗碗機洗呢！（互聯網圖片）
