震驚埋佢自己　牛奶妹出爆炸糖牛古力！

平時聽「震驚十三億人」就聽得多，震驚牛奶妹你又聽過未？講緊嘅係佢推出新口味朱古力嘅封面啊！牛奶妹喺新封面雙手托住肥面仔，一臉驚訝，好Cute！原來呢款新朱古力內藏波子汽水味嘅七彩爆炸糖，一放入口就喺嘴入面霹靂啪嘞地融化，好過癮！而家已經開始發售嘅爆炸糖朱古力賣216日圓，下次去日本可以試試新嘢喇！