東網電視
更多新聞短片
原來找對方法，開榴槤真的「易過借火」！
1/6
每年6月都是馬來西亞榴槤當造季節，由於馬拉榴槤全部都是樹上熟，雖然保存期較短，但味道分外香甜，其中又以貓山皇最受歡迎。不少人都好似小記一樣，想食榴槤又最怕開榴槤，試過用錘仔、螺絲批都搞唔掂。於是今天專程邀請了人稱Mr. Durian的榴槤達人梁峰，為大家即席示範開榴槤的正確方法。
聽梁峰講，原來用匙羮就得喇！原來每個貓山皇的底部都有粒星，粒星還有明顯的5條線，開榴槤的時候就沿着其中1條線，用匙羮壓下去，一壓一轉，榴槤就已經開口。榴槤開口之後，只要用手輕輕用力打開，就可以輕易將其中一瓣榴槤的肉取出。至於其他未開口的榴槤肉，就不妨用兩隻手輕力向兩邊拉開，話咁快就可以將成個榴槤的肉攞晒出來，慳水慳力！
不少人都好似小記一樣，想食榴槤又最怕開榴槤，試過用錘仔，點知開到個榴槤體無完膚。
開榴槤的時候就沿着其中1條線，用匙羮壓下去。
用螺絲批？一樣搞唔掂！
壓入匙羮後輕力一轉，榴槤就可以輕易打開。
聽人稱Mr. Durian的榴槤達人梁峰謂，貓山皇的底部都有粒星，粒星還有明顯的5條線。
