東網電視
更多新聞短片
裝潢跟其他分店分別不大，白色燈光配以木質地台，一貫簡約風。
1/18
雖然香港Apple Store愈開愈多，但新界果迷朝聖往往要遠赴九龍，有時仲要過海，好唔方便！不過，今天起新界友終於可慳番啲腳骨力，皆因位於沙田新城市廣場的Apple Store終於正式開幕！
沙田分店是Apple Store在香港第5間零售店，也是2016年以來Apple在大中華區開設的第14家售店。新店設於馬莎舊址，雖然樓高只有一層，不及中環店及尖沙咀店霸氣，但就擁有超高樓底及玻璃幕門，視野非常廣闊，並完美融入商場之中，相當好行！
一如其他分店，沙田Apple Store未開門已人頭湧湧，官方指排隊人數達到1,152人，排頭位的梁太表示昨晚8時已經到達，相當誠心！開門一刻，一眾Apple員工拍掌歡迎顧客，歡呼聲始起彼落，好不熱鬧。入內再詳細參觀，會發覺店面裝潢跟其他分店分別不大，同樣採用白色燈光配以木質地台，維持一貫簡約風格。店內最大特色是兩旁設有超長的「The Avenue」展示牆，後方則備有一個大型電視幕牆，顧客可觀看Apple各式服務及產品。
產品方面，iPhone、iPad、Mac機、Apple Watch及iPod等一應俱全，並發售耳機、錶帶、遙控器等第三方產品，選擇豐富。新店共有224名員工，當中超過85%來自世界各地，精通粵語、英語、韓語、泰語等九種語言，外國遊客來到也不怕雞同鴨講。留意新店還會於暑假舉行Apple Camp夏令營，歡迎8至12歲小朋友參加，活動詳情都可上Apple網頁查看。
最後，果迷每次新店必搶的紀念T裇，今次又設計成點呢﹖跟尖沙咀分店送白Tee不同，今次送的是純黑款式，胸前正中有白色蘋果標誌，並印有「New Town Plaza」字樣，設計史上最低調，未知各位果迷又滿唔滿意呢？
沙田Apple Store資料
地址：沙田正街18號新城市廣場
營業時間：10:00am-10:00pm（星期一至日）
全場倒數新店開幕，員工及顧客都興奮非常！
「The Forum」設電視幕牆及座椅，供顧客聚首一堂交流意見。
展示多款Apple Watch錶帶，顧客可摸上手測試質感。
發售各式第三方玩具及遙控器，連星戰BB-8都有得賣，正！
Apple Store新店開幕，與顧客擊掌是常識吧！
開幕紀念T恤採用純黑襯白字設計，設計史上最低調。
新店於今早10時開幕，未開店門外已有過千人排隊，場面虛冚！
兩旁「The Avenue」展示牆模仿購物大街，展示Apple各式產品。
設有玻璃專櫃展示Apple Watch。
估你唔到！排頭位的竟然是家庭煮婦梁太，她稱昨晚8時已到達，一心為囝囝領取紀念T裇，阿囝回家要錫錫媽咪了！
新店共有224名員工，精通9種語言。
玻璃幕門由地面延伸至天花板，霸氣得來視野廣闊。
Apple香港區Market Director Kristen Petralia向本地傳媒講解新店特色。
提供多款Beats耳機供試戴試聽。
店內設過百台聯網的iPhone、iPad、Mac電腦、Apple Watch及iPod。
（左至右）三位果迷Paco、Jeremy、Adrian上周去完澳門Apple Store新店開幕，今天又來沙田朝聖，而且更一早6時來到排隊，堅誠心！
搶到紀念Tee，當然要展示一下戰利品！
