曼谷恐龍樂園　我驚你有牙？

播足二十多年的《侏羅紀公園》系列，無論你是80後，抑或是千禧一代，都應認識這套「長壽電影」。如果你一諗起可以同恐龍開片就興奮的話，咁來曼谷就啱晒啦！皆因曼谷於本年3月新開了主題樂園Dinosaur Planet，可以讓大家重溫這段「集體回憶」！<br/><br/>同第一集《侏》劇情最有關係、要從速龍手上逃脫的遊戲「Raptor X-treme」，是最刺激亦是必玩項目，入到密室聽完指令（不停播放遊客聽唔明嘅泰文，好在有影片搭救），就要進行尋鎖匙逃脫的遊戲！雖然明知速龍係人扮，亦唔會有逃脫失敗嘅問題，但人人都交足戲，高呼大叫，甚至甘願扮死被咬，總之盡情配合，娛己又娛人！<br/><br/>帶着小朋友、怕Raptor X-treme太過激的話，場內還有像博物館一樣的「Dinosaur District」，擺放有1:1大的三角龍和劍龍「化石」等展品。然後我在超迫真的「恐龍培育室」，竟突然有暴龍來「尋親」，叫眾人驚惶失措，加上職員的演技，實在夠晒驚喜！最後可到「Dino Farm」讓小朋友享受騎龍樂，再到後園區欣賞如幻似真的可活動恐龍模型，還有個剛於5月追加的4D恐龍館，大人細路人人都拍晒手掌！<br/><br/>Dinosaur Planet<br/>地址：Sukhumvit 22 The EMsphere, Khlong Tan, Khlong Toei, Bangkok<br/>營業時間：10:00am~10:00pm<br/>門票：成人600泰銖（約HK$133）、小童400泰銖（約HK$89）<br/>網址：http://www.dinosaurplanet.net <br/>