東網電視
更多新聞短片

日本Hooters嘅侍應一向高質,唔知香港又點呢?(互聯網圖片)
1/7
正所謂有圖有真相、傾偈冇相冇偈傾,久候多時,聽講7月底於香港中環雲咸街開張的Hooters終於發布女侍應照片,可惜囡囡現身之後卻收到無數負評,原因不外乎:唔夠靚、身材唔夠勁,總之網民個個派嬲話貨不對辦。講咗咁耐,如果你唔知Hooters係乜,簡單介紹番,這間來自美國的連鎖餐廳在全球擁有超過400間分店,主要供應漢堡包、三文治等快餐,而重點就是此店以性感女侍應作招徠,Waitress個個屬重量Cup人馬,低胸小背心、性感熱褲加上青春無敵索樣,男生們當然口裏說不、身體卻很誠實咁衝去幫襯啦!
Hooters喺美國、加拿大、德國、日本、台灣、新加坡分店嘅女侍應,個個都好高質,等到頸都長嘅香港店,當Facebook專頁發布侍應相片後,卻令網民高呼:「說好的波霸呢?」希望好物沉歸底,正式開店時美女會空群而出;不過餐廳始終以食物為主打,Hooters Girls唔夠索,咪可以專注欣賞吓廚師啲手勢囉!
網民超Mean留言:
Matthew Shawn Tabios:I'm pretty sure one of them is a guy
Terry Tsang:依班都未算嚇人,北京嗰間仲恐怖呀,仲要每個鐘跳一次啦啦隊熱舞
fong Hi Fung:會唔會違反商品說明條例?
Jessica Skinner:Shouldn't have brought Hooters into Hong Kong if you're gonna hire this quality of girls. Mehhhh
雖然網民猛話班女侍應唔得,但官方發布嗰張大合照,其實有啲朦,唔係睇得好清楚,之不過小編就喺網上人肉到呢班侍應嘅近距離照片,有幾個真係好「胸」猛㗎,至於樣靚唔靚就見仁見智啦!不如大家又發表吓!

其實右邊嗰個都幾靚吖,我覺得……(互聯網圖片)

【理想】台灣Hooters Girls合乎商品說明條例,個個都有導彈級身材。(互聯網圖片)

好「胸」猛,不過入面件內衣好似好厚Pad。(互聯網圖片)

【理想】用外國美女做標準,公平咩?(互聯網圖片)

【現實】官方發布香港Hooters Girls照片後引來網民狂派嬲嬲,其實有幾個都OK吖,樂觀啲,超班美女可能正式開張先登場呢?不過官方Facebook張相太朦太Wide,大家睇得唔清楚啫!(互聯網圖片)

冷靜啲,派嬲都改變唔到現實,身邊有樣靚身材正嘅美女的話,一於推薦佢去做Hooters Girl啦,小編就覺得左邊嗰位泰國妹妹幾靚嘞!(互聯網圖片)