Volcom x Cone Denim百年丹寧布廠聯名傑作

講牛仔褲人人都識日本岡山係「日牛」發源地，紡織丹寧布料及藍染都係一絕，但如果「美牛」你又知唔知咩寶號出品最勁先？之唔係美國丹寧布廠Cone Denim就最為出色，因為牛界大哥Levi's自1915年開始已經採用Cone Denim所提供的丹寧布料打造牛仔褲，就算最頂級的LVC（Levi's Vintage Clothing）系列都一樣，由此可見呢間創立自1891年的丹寧布廠於牛仔褲界有幾權威性。今回連X-Game運動品牌Volcom都破天荒邀請呢間美國百年丹寧布廠合作，採用由Cone Denim所提供的丹寧布料打造出Volcom Stone Made企劃。<br/><br/>系列當中牛仔褲款採用由Cone Denim專利的S GENE 技術所生產的超強彈性布料（Superior Stretch）打造而成，並具備有效阻止細菌和臭味形成的防菌處理（Anti-Microbial）、耐磨耐穿的CONESTRONG持久耐穿處理（Durability）及CONEgard防水處理（Water Resistance）等各種獨特功能，以便一眾X-Game 高手可以着住條牛仔褲進行不同極限運動（講就咁講，但你應該唔會着住牛仔褲滑水同滑浪，着住嚟玩滑板就應該絕無問題），當中部分款式更是由Cone Denim負責生產，100% Made in USA超晒班！<br/><br/>查詢：2377 4662