學舒淇慳家　8大外國網平購婚紗

東網電視

舒淇身穿價值HK$3,990的2014年H&M Conscious系列環保婚紗下嫁馮德倫獲全城激讚，今次東網就教你如何搜購又潮又型的平價婚紗。

舒淇身穿價值HK$3,990的H&M Conscious婚紗同馮德倫結婚全城激讚，個個猛話好有型，老套講句「蔗渣價錢穿出燒鵝味道」。其實要搜括幾千元的平價婚紗裙或者類似連身裙有唔少好選擇，今次東網特別搜羅幾個網站同品牌，各位準新娘想好似舒淇一樣潮着平婚紗，不妨去睇睇。

Needle & Thread

2013年創辦的英國時裝品牌以設計平價婚紗聞名，價錢約千多港元起有交易，款式選擇夠多還很有大牌子風範，可於品牌官網needleandthread.com、asos.com或net-a-porter.com有售。

Self Portrait

另一英國高質素平價婚紗品牌，價錢二千多或數千港元有交易，除官網外亦可於多個時裝網站如mytheresa.com、asos.com或net-a-porter.com找到。

asos.com

英國街牌時裝網站asos.com，是不少準新娘搜刮結婚晚裝裙和姊妹裙熱門網站，網站亦有推出自家品牌晚裝裙系列，亦有其他平價品牌婚紗裙，最平幾百港元就有交易！

Theoutnet.com

名牌Off-season系列網站，特設Wedding Boutique專頁，有不少名牌婚紗和晚裝筍貨，好似一條Stella McCartney白色連身長裙只需二千多港元就有交易。

Phase Eight

英國晚裝裙品牌，其連身裙和婚紗，大約數千港元就有交易，而且手工精細，不妨入手。

Ted Baker

Ted Baker連身裙一直深得女士們追捧，品牌部分晚裝裙更好有婚紗Feel。

ZARA

近幾季All White Style大熱，唔少Street Fashion品牌都有推出全白裙子，今季ZARA有好幾條白色連身裙都適合結婚着。

H&M

舒淇婚紗系列來自2014年H&M Connscious環保服裝系列，Conscious系列約每年3至4月時推出，不過品牌代表話並非年年都有婚紗推出，只有2014年及2016年曾推出過，視乎設計團隊決定。準新娘們想學舒淇一樣潮着平價環保婚紗，惟有一齊「集氣」祈求2017會推出啦！

on.cc東網