東網電視
更多新聞短片
這些女神，當年是否令你神魂顛倒。
1/12
自從1988年11月10日制定《電影檢查條例》，將所有喺香港上映嘅電影按觀眾年齡限制劃分為三個級別，此後所有艷情片都獲得一個新嘅名字「三級片」。咁多年以嚟一直有唔少令大家記憶猶新嘅三級片女星，大家仲得記幾多個呢？
舒淇
代表作：《玉蒲團之玉女心經》
葉子楣
代表作：《玉蒲團之偷情寶鑑》
翁虹
代表作：《擋不住的瘋情》、《滿清十大酷刑》
楊思敏
代表作：《新金瓶梅》、《魔鬼天使》
葉玉卿
代表作：《情不自禁》、《我為卿狂》、《卿本佳人》
陳雅倫
代表作：《危情》
李麗珍
代表作：《蜜桃成熟時》、《不扣鈕的女孩》
徐若瑄
代表作：《天使心》、《魔鬼天使》
彭丹
代表作：《狼吻夜驚魂》、《極度獸性》、《六魔女》
麥家琪
代表作：《偷窺無罪》
三級始祖：邵音音
代表作：《官人我要》
原名林立慧嘅舒淇絕對係影壇傳奇。早年嘅佢曾做過模特兒，1995年為成人雜誌《Penthouse》拍攝全裸寫真，其後被王晶睇中喺1996年演出港產三級片《玉蒲團之玉女心經》，成為人氣三級片女星。同年演出爾冬陞電影《色情男女》，獲得金像獎最佳女配角和最佳新人兩項大獎。2008年美國娛樂頻道《E!》評選佢為「全球最性感豐唇女星」。2016年憑侯孝賢執導電影《刺客聶隱娘》榮獲第10屆亞洲電影大獎最佳女主角獎。2016年9月3日，舒淇宣布與馮德倫結婚。
曾被譽為「亞洲第一美胸」嘅楊思敏，喺1976年2月14日於日本千葉縣出生，原名神乃麻美。1995年到台灣發展並改名楊思敏，1996年憑三級片《新金瓶梅》露出35D巨乳成名，同年跟徐若瑄演出三級片《魔鬼天使》艷爆台灣。先後推出《妖精開花》、《春光私語》、《Last Nude》等寫真。自2001年開始跟台灣旅遊業富商呂仁智拍拖至今。
李麗珍早喺14歲已獲星探發掘拍廣告，1984年參演黃百鳴製作電影「開心鬼」系列成名，只係其後事業轉平淡。1993年演出處女三級片《蜜桃成熟時》，憑住青春少女形象獲得1,230萬票房佳績。1994年拍完《不扣鈕的女孩》後報稱唔再拍三級片，但不久被王晶以400萬片酬打動，同舒淇合演《玉蒲團之玉女心經》。感情生活同樣傳奇，先同許願結婚生咗一女後離婚，又跟髮型師Jacky Ma扯上關係，早前又宣布同作詞人潘源良第四次分手。
本身係模特兒嘅麥家琪，1993年參選香港小姐，因一輯露點相而成為社會熱話。1997年首演三級片《聊齋艷譚之幽媾》，同年演出《迷失樂園》。不過講到最為人印象深刻嘅，卻係喺2002年改編自台灣璩美鳳事件嘅三級片《偷窺無罪》，片中磨沙玻璃浴室出浴一幕更係經典場面。2006年下嫁香港大律師王國豪，先後誕下兩子一女。近年偶爾喺香港及內地出席商業活動。
從「波霸」呢個外號，就知葉子楣巨乳身材令當年男士聞「峰」色變。1985年畢業於亞視訓練班，其後轉戰電影界，1991年憑《玉蒲團之偷情寶鑑》一炮而紅。曾為巨乳投保200萬，而成為首位香港為人體投保人士。由於演出堅持三點不露，曾有片商開價800萬要求佢露兩點。1990年代中期，她與骨科醫生呂錫照認識後便淡出影壇。
人稱卿姐嘅葉玉卿，係1985年以首屆亞姐季軍，為亞視演出多套電視劇，於1991年離巢後，推出性感寫真，同年演出首套兼擔正三級片《情不自禁》，奠定艷星地位。其後三級作品《我為卿狂》、《卿本佳人》等均是人氣作。1996年結識美籍華僑富商胡兆明，1999年美國洛杉磯結婚，現育有兩子一女。
徐若瑄喺1990年憑電視綜藝節目嘅美少女選拔賽出道，起初走清純偶像路線， 1995年演出三級片《天使心》，當中嘅露點及同江國賓嘅床戰，令佢一戰成名，同時又推出同名處女露點寫真《天使心》，從此奠定三級片女星嘅身分。不過佢其後極力擺脫脫星之名，轉攻日本市場。2014年2月5日跟新加坡馬可波羅海業集團主席李雲峰結婚，婚後仍繼續演藝生活，2015年8月13日誕下兒子Dalton。
邵音音係艷星？冇錯！佢唔單止喺活躍於上世紀70至80年代嘅艷星，同時又係邵氏及香港剝得最耐嘅艷星，有唔少阿伯輩都曾經係佢嘅粉絲。曾做過護士嘅佢，喺1976年獲名導李翰祥賞識，為佢打造香艷片《風花雪月》同《騙財騙色》，跟住又演出《男妓女娼》、《財子名花星媽》、《妾待怨》等風月片，而喺1976年演出嘅《官人我要》，不但極賣座仲有到法國康城影展參展機會。1984年同富商陳耀發結婚並誕下一子一女。
翁虹畢業於香港演藝學院，1989年參選亞洲小姐奪冠，為求星途突破，喺1993年接拍首套三級片《擋不住的瘋情》，1994年嘅《滿清十大酷刑》更係三級片經典，1998年推出性感寫真《翁虹性感專輯》。2003年同美國大西洋賭城高層伍偉傑結閃婚，兩年幾後離婚，2007年1月跟相熟4個月美籍華裔富商劉倫浩結婚，兩人育有一女並定居上海。
陳雅倫透過1985年第四屆無線新秀歌唱大賽而進身娛樂圈。起初參演電視劇，只係多數做花瓶，1992年毅然接拍三級片《危情》，並憑同王敏德話題性演出，成為港產三級片中嘅經典。其後演出嘅《男與女》及《南洋十大邪術》同係話題作。1993年推出同名寫真《陳雅倫寫真集》，銷量超過10萬本。1984年曾跟無綫小生陳庭威拍拖，1989年起纏戀黃尚偉11年，其後同多位藝人傳出緋聞，至今感情生活仍燦爛。
「波神」彭丹早年喺美國求學，並獲得多個選美冠軍，1995年接拍李安監製電影《落鳥》，曾拒絕《花花公子》雜誌25萬美金拍寫真照嘅邀請， 1995年回港演出三級喜劇電影《狼吻夜驚魂》，當中有露股及露股演出。雖然佢強調未演出過所謂嘅三級片，但其後佢接拍《邪殺》、《極度獸性》、《六魔女》、《三合會》等多部三級片，又因《六魔女》中落水飛釘一幕而感到懊惱。2000年開始轉戰內地，不但演出多套影視作品，成立自己嘅影視文化公司，同時積極投身內地慈善工作，2013年起擔任甘肅省政協委員一職。
