酒店大廚　教你點開生鐵鑊

在家中下廚，現時有不少人都喜愛用易潔鑊，貪其夠方便，不過若是對煮食有一定要求，鑊氣又怎少得？要有鑊氣，就要用生鐵鑊，不過買了生鐵鑊回家之後，又應該如何處理？唔使驚，師傅喺大廳，今次就搵嚟海福嘉福酒店中菜行政總廚梁輝雄師傅教大家開鑊，材料好簡單，一個爐頭，一隻生鐵鑊，再加幾棵葱及芫荽就搞掂。

首先爐頭開火，較至最猛火力，生鐵鑊就放在上面慢慢燒，期間不時轉動，把生鐵鑊表面上的蠟燒走，直至生鐵鑊顏色轉黑且變得均勻，然後把鑊清洗乾淨，再加入油、葱及芫荽，猶如炒菜一般，並用掃把油塗勻鑊的表面，其作用是洗去鑊的鐵銹味道，最後再次把鑊清洗乾淨，就可以使用了！

教多大家一招，就是瓦煲的保養法，只需要預先用水把瓦煲浸一個晚上，翌日在瓦煲有上油的位置塗上油，瓦煲就會更加耐用。