色日放送：下海拍AV　女優新出路？

三上悠亞和高橋聖子加盟AV界後，人氣不斷上升，更加躍身成為AV小天后，喺AV界可以話要風得風，要雨得雨！有見及此以致愈來愈多女優轉投AV界，近期又有多位新血加盟，有出道不足一年的寫真偶像，有拍過恐怖片《富江》的女優，仲有足以挑戰高橋聖子的寫真女……有走投無路，有自投羅網，無論如何，拍AV已成為不少女優的新出路。<br/><br/>寫真偶像 強勢來襲<br/>近期加盟AV界的有女藝人，好似赤根京、今井夢露、松本菜奈實等，都係由專門拉攏女藝人下海嘅AV廠MUTEKI一手帶入AV界！不過，AV界絕對唔會得M廠搵女藝人拍AV，最近Ideapocket亦唔輸蝕，搵來好波又好樣嘅美艷姊系寫真偶像櫻空桃加盟！櫻空桃嘅寫真資歷雖然唔係好深厚，然而其外在美一流，出道初期已經備受注目，但係大家都估唔到櫻空桃唔夠一年就由寫真妹轉做AV女優！都唔緊要啦！桃妹下海已成定局，而且仲極受I廠器重，初下海作品剛剛上市，I廠就安排桃妹不停站咁去日本多個DVD銷售店開握手會做宣傳。老實講，櫻空桃各方面條件都相當優秀，家陣仲得到東家大力支持，人氣必定會火速上升，睇嚟其他剛下海嘅女藝人要諗辦法對抗喇！<br/><br/>生活艱難 富江也下海<br/>日本動漫、電影作品都有唔少令人毛骨悚然嘅恐怖系列，例如改編自恐怖漫畫嘅《富江》，當中嘅女主角川上富江乃係邪氣十足又魔性迷人嘅不死生物，故事講佢嘅出現為身邊嘅男女老幼都為之瘋狂，或因妒而殺之，或因愛成性而殺之，但係最終富江都會翻生，繼續以殘酷玩弄別人為樂。<br/>《富江》電影系列迄今拍咗9部，2011年嘅一部就由寫真女郎仲村美優主演，佢本身都又妖又邪，飾演富江認真一絕！點解會突然提到仲村美優呢？因為美優正係AV廠MUTEKI嘅6月重點AV新人！咩話？仲村美優下海拍AV？正是！仲村美優喺2012年引退後，被發現喺名古屋從事風俗事業，令佢想重返寫真界搵食都唔得，據悉美優下海固然係因為生活艱難所致，而眼見三上悠亞、高橋聖子等下海之後都名成利就，故喺AV界利誘之下冇拒絕嘅理由，頭炮作品《Fade In》將會喺6月1日上市！<br/><br/>美胸大學生 下一站AV？<br/>此外，仲有一位女優，大家都估計好大機會進軍AV界，佢就係有「日本第一美胸大學生」之稱嘅石原佑里子喇！佑里子樣子甜美又好波，其雪白F奶嘅吸引力拍得住高橋聖子。本來佑里子喺寫真界氣勢相當強勁，人氣度及曝光率都相當高，好可惜，早前佑里子有段情慾短片曝光，片中見到一位身穿內衣嘅口罩女同一名男子互相調情，後來口罩女剝光豬仲除低個口罩，清楚可見此人樣子同佑里子有九成九相似，身材亦一樣咁豐滿誘人！情慾短片流出事件令事務所即時同佑里子終止合約，故AV業界認定阿妹如果想搵食就只有學高橋聖子咁下海拍AV，而據消息指出已經有人同佑里子接洽，睇嚟大家欣賞佑里子正式喺鏡頭前作本番演出嘅機會都相當大喇！<br/>