東網電視
更多新聞短片
Send錯唔使慌！教你訊息有Take 2！
1/5
相信唔少用家都曾經喺WhatsApp群組傳錯訊息，咁尷尬嘅情況真係難以面對！之但係，其實都唔係無辦法，皆因坊間有唔少程式支援訊息回收功能，一撳就可以將內容即時回收，即睇！
《Telegram》48小時時限
《Pokemon Go》時期曾經大熱的《Telegram》，可以話係最早引入訊息回收功能嘅通訊軟件。無論喺個人抑或群組聊天室，只要長按選擇指定訊息、圖片等內容，再揀選右上角「垃圾桶」圖案，即可將訊息由用家、對方的裝置上刪除。留意，刪除對方訊息的功能必須48小時內完成，應該夠時間啦！
《WeChat》生死2分鐘
緊隨WhatsApp，相信就係最多港人用嘅通訊軟件就係《WeChat》。只要進入個人或群組聊天室，長按訊息，再點選「回收」即可。不過刪除時限就比《Telegram》少得多，只有2分鐘，刪除都要「嗱嗱聲」。特別一提，部分舊版WeChat不支持此功能，記得更新！
Gmail取消傳送
除咗通訊軟件，傳錯電郵都係高危情況。Gmail就提供「取消傳送」功能，用家需要事先進入Gmail網頁設定，啟用「取消傳送」功能。當用家傳送電郵的一刻，畫面上方就會彈出「復原」按鍵，一按即可將電郵取消傳送。另外，提供5、10、20及30秒四個時限。
按刪除時記得剔埋「Delete for xxx」，將對方的訊息記錄亦一併刪除。
開啟「取消傳送」後，於時限內可以點選「復原」。
長按訊息再揀選「回收」即可，限時2分鐘。
提供5、10、20及30秒四個時限。
