太犯規! 神級Cosplay不知火舞

香港時間
2017年06月18日(日) 19:00
東網電視
更多新聞短片
如果《餓狼傳說》再出Game嘅話,唔使搵人畫Box Art,直接搵Pion Kim做Cover Girl啦!
1/8
成功嘅Cosplay,某程度上,真係要贏在起跑線,雖然服飾、化妝、演技等後天因素都好講究,不過樣子與Body呢啲先天條件都悠關重要,小編都想扮Batman,不過既冇6呎高又冇40+胸肌,算吧啦……講到電玩系列《餓狼傳說》與《拳皇》,最多人Cosplay嘅女角當然係不知火舞,不過能夠高度還原嘅Cosplay例子,實在唔多,咁又難怪,電玩中不知火舞係完完全全係天使與魔鬼嘅組合,又有幾多人可以咁得天獨厚?雖然少,唔代表冇,出名靚女多多嘅韓國就有神級演繹。
話說韓國有一位Cosplay高手Pion Kim,飾演過多位電玩、動漫及Super Hero電影角色,強項正正係性感演繹,最近就挑戰高難度,變身不知火舞,從佢上載到Facebook嘅相片嚟睇,表現真係驚為天人!實話實說,面相方面,都睇得出有明顯嘅化妝與PS加工,不過以Cosplay界作風而言,Why Not?唔到你唔服係着起不知火舞少布得可憐嘅戰衣後,Pion Kim嘅屈機級數身材真係真係真係冇得輸,而且服裝、道具與攝影等多方面都有超高水準配合,就連起飛腿甫士都零暇疵做到,證明Pion Kim身手唔錯,如果《餓狼傳說》拍真人版電影,唔搵佢做Pion Kim,肯定冇天理!
呢次嘅不知火舞Cosplay絕對係大製作,相信時間上嘅花費絕對唔少,不過換轉你係攝影師,免費OT都肯啦!
演員本身條件優越之餘,服飾到背景都係超認真。
唔少Cosplay女高手都扮過小丑女,Pion Kim都唔例如,而且電影版與電玩版都有扮。
要喺呢次Cosplay搵缺點扣分?Sorry,我真係搵極都冇。
長腿之餘仲要識起朝天腳,太犯規吧!
以今次嘅Cosplay為例,小編堅信Pion Kim有足夠條件做真人版不知火舞演員,如果真係有人開拍電影版嘅話。
Pion Kim唔少Cosplay角色都Sell性感,毫無吝嗇天生優點。