炒貴刁！唔辣得唔得呀？
20170620
東網電視
更多新聞短片
傳統的炒貴刁即炒粿條，賣相與色澤近似大家熟識的乾炒牛河多一點，不會如港版般呈金黃色澤。（互聯網圖片）
近日大熱美食話題離不開「炒貴刁」，究竟正宗嘅炒貴刁係辣定唔辣呢？首先要由炒粿條說起，炒貴刁又稱炒粿條，源自廣東潮汕及福建閩南地區，後來傳至馬來西亞、新加坡一帶，更成為當地、尤其是馬來西亞大受歡迎的美食之一。
根據馬來西亞旅遊局官方網頁指出。馬來西亞的炒粿條（Char Kway Teow）的「炒」源自福建話，而「粿條」則指當作主食的一種「扁平狀米粉條」，亦即我哋熟識的河粉。當地人炮製這道菜時會將粿條加入淡色或深色醬油、辣椒、白蝦、花蛤、豆芽菜、韭菜和雞蛋等配料大火翻炒而成。當地一些地區更有人用豬油渣來炒粿條，有時還加入香腸（臘腸）及魚糕（潮州魚片）來增添風味。
之不過香港常吃的炒貴刁已經變成港版，用上咖喱粉或黃薑粉製作出黃色版本，至於正宗的炒貴刁，即粿條，由於用豉油調味，色澤近似廣東的乾炒牛河，至於正宗嘅辣唔辣呢？傳統食譜就會下辣椒或辣椒醬，之不過只要自己落手落腳煮，咪可以控制得到辣度囉！
材料：
粿條、韭菜、豆芽各適量
大或中蝦4至6隻
雞蛋1隻
蒜蓉2瓣
辣椒1隻
臘腸1條
炒粿條醬汁（全部拌勻）：
豉油1/2杯
黑醬油1湯匙
蠔油2湯匙
魚露2湯匙
糖1茶匙
做法：
1. 熱鑊下油，下蒜蓉及切了片的臘腸炒香（如食辣可加入切絲辣椒略爆），放入蝦(預先去殼洗淨瀝乾水並以少許豉油及胡椒粉醃製)，之後下粿條，加入1.5至2湯匙「炒粿條醬汁」快速炒勻。
2. 放入洗淨瀝乾水的豆芽及韭菜，將麵條推到一邊，下點油，將蛋打下，放少許「炒粿條醬汁」及胡椒粉調味。
3. 之後將全部材料及蛋兜炒均匀即成。