是日本性：風俗人氣制服Top 5

制服玩法係日本風俗店嘅其中一種特色，而呢種糅合男士對制服幻想，加上角色扮演元素嘅玩法，一直以嚟都吸引唔少玩家捧場。不過喺各種制服種類，如女僕、OL套裝、水着、水手服等之中，大家又知唔知邊種制服最受日本玩家歡迎呢？<br/><br/>制服風俗店有兩種<br/>日本風俗店嘅制服玩法相信大家都唔會覺得陌生，只係大家又知唔知其實佢哋可以分為兩類呢？分別係主題型同提供各種制服嘅選擇型風俗店。前者以單一制服主題，吸引喜好某種制服嘅玩家，例如女僕風俗店、護理員風俗店、兔女郎風俗店等；後者則係風俗店早就準備好多種制服，等玩家入店後揀選心水制服後，讓風俗孃穿上並提供服務。<br/><br/>喺制服嘅設計上，不論係邊種類型嘅制服風俗店，亦會有唔同嘅選擇，而設計上分為真實型同性感型。所謂真實型即係當中嘅制服，就跟現實生活中女性所穿着嘅制服一樣，尤其係近年流行嘅JK制服，唔少風俗店就以真實作為賣點。至於性感型即係喺基於真實嘅制服上進行修改，就以JK制服為例，本嚟恤衫加及膝百褶裙嘅設計，會變成開胸加激短百褶裙。<br/><br/>不過制服選擇咁多款，邊款先係最受日本玩家歡迎嘅制服呢？日本出張風俗資料網「高級Delihel」（高級デリヘル）就做咗個調查，發現有5種制服零舍受玩家歡迎，只係大家要留意調查範圍僅限於出張型風俗店，至於店舖型風俗店係唔包括在內㗎！<br/><br/>第5位：兔女郎<br/>自從某個品牌嘅俱樂部，以兔女郎制服作為俱樂部中嘅服務員制服後，呢種制服已經成為性感嘅象徵。事關佢嘅設計唔單止突出穿着者嘅胸部，而高衩嘅設計更係令穿着者嘅臀部及雙腿，充分呈現喺大家嘅眼前，因此日本出張風俗店嘅兔女郎制服，甚受玩家歡迎絕對係有理由。不過由於佢太性感關係，故此若然風俗孃身材冇返咁上下嘅話，有機會令視覺享受打折扣。<br/><br/>第4位：學園服<br/>呢個調查中嘅學園服，其實包括咗西式套裝同水手服。佢嘅賣點相信唔使多講，就係在於佢能夠畀到玩家青春嘅回憶，兼且喺日本亦有唔少玩家鍾情於上述兩種學園制服，因此但凡係制服風俗店，必然會有呢種制服提供。不過話說回來，既然佢哋咁有人氣，點解會位居第4位呢？理由係因為呢類學園服對穿着者嘅要求頗高，若然風俗孃唔夠青春味嘅話，效果會適得其反。<br/><br/>第3位：學園水着<br/>學園水着源於日本二戰之後發布嘅新教育指引，規定中小學要喺體育課程中加入游泳課程，有感當時市面上賣嘅泳衣並唔適合用喺游泳課上關係，因此當時便按照比賽用泳衣進行修改。正因為學園水着畀到日本玩家，一種懷念已逝去青春嘅回憶關係，加上佢獨特嘅滑溜感，可以令風俗服務中有更佳嘅體驗，所以便成為最受歡迎嘅制服系列嘅季軍。<br/><br/>第2位：體操服<br/>呢度嘅體操服包括學園體育服、自由體操服、舞蹈服等嘅制服，而佢之所以能夠成為亞軍，有唔少受訪玩家表示，因為呢種體操服喺平時極少會見到，加上令佢哋有相當嘅回憶關係，所以極受日本風俗玩家歡迎。不過有受訪者指出，另一個令佢哋着迷嘅地方，在於唔少日本AV作品中嘅女優，都鍾意以呢個造型登場，故此對佢哋嚟講有極大嘅吸引力。<br/><br/>第1位：聖誕服<br/>聖誕服竟然係出張制服風俗店嘅冠軍，係咪好出人意表呢？原來日本嘅制服風俗店，喺每年嘅12月都會推出期間限定嘅聖誕服，換言之，如果過咗呢個月份嘅話，就唔會再有呢種制服選擇提供。有受訪玩家則表示，令佢哋如此鍾愛呢種制服嘅原因，係因為同身穿呢種制服嘅風俗孃「交流」，好有過節嘅感覺，尤其係對於單身又冇朋友嘅玩家嚟講，足以彌補佢哋心靈嘅空虛喎！<br/>