是日本性：風俗「指入」　要講禮儀

唔知從幾時開始，男人都愛上「指入」呢種玩法，加上自從AV男優加藤鷹嘅「黃金右手」橫空出世後，更係令男人明白「指入」嘅精髓，同埋佢令女優帶嚟激烈嘅床上反應。正因為咁嘅緣故，日本唔少風俗店將「指入」列入指定服務內容中。不過講咗咁耐，其實「指入」係乜嘢嚟呢？<br/><br/>指入即係乜？<br/>「指入」（指入れ）又稱為「手マン」，意思即係指交咁解，而做法就係男士將2至3隻手指，放入女性嘅私處。如果仲唔明嘅話，可參考加藤鷹嘅AV作品，咁就可以明白乜嘢叫做「指入」。<br/>不過「指入」對男士嘅講究竟有乜咁大吸引力，搞到連風俗店都要將佢列為必備嘅服務內容呢？除咗因為喺AV嘅推動下，令玩家對呢種玩法產生好奇，及睇到風俗孃好似AV女優咁興奮嘅感覺外，仲有另外兩個原因。一個原因係因為男性嘅好奇心，想透過指尖感受一下女性重要部位係乜嘢感覺。另一個原因則係因有啲男士擔心自己持久力不足，未來盡享30分鐘至120分鐘嘅風俗時間，而「指入」正好畀到佢緩衝期。<br/>事實上，喺日本風俗業中，「指入」有別於即尺、聖水鑑賞、震蛋等需要額外收費嘅項目，屬於免費嘅服務環節。雖然唔使加錢，但若然玩家唔遵守「指入」禮儀嘅話，風俗孃有機會拒絕為玩家提供服務，當然喺日本呢個講求忍讓嘅國度中，呢種情況喺日本相當少見啦！話時話，究竟有乜禮儀要遵守呢？<br/><br/>禮儀1：記得剪指甲<br/>男人好多時候都會唔記得剪指甲，或者鍾意留長某隻手指嘅指甲，只係如果有呢種情況嘅男士，記得唔好喺日本嘅風俗店玩「指入」。須知道女性嘅秘道好脆弱，而過長指甲好易令風俗孃嘅重要部位出現損傷。此外，指甲中亦藏有細菌，萬一感染受傷位置嘅話，輕則發炎，重則引起其他疾病，最重要係風俗孃會因此而停工。作為一位有責任感同尊重他人嘅玩家，呢點一定要記得。不過如果無指甲鉗喺身嘅話又點算好呢？咁就唔好意思喇！因為日本人唔興同人共享指甲鉗，故此奉勸去之前都係剪定指甲。<br/><br/>禮儀2：讓風俗孃擺出M字腳<br/>讓風俗孃擺出M字腳都係禮儀？冇錯！原來唔少玩家因為太過心急，或者受AV嘅影響，以為風俗孃無時無刻都係喺被「指入」 嘅狀態。不過現實歸現實，風俗孃如果喺夾緊對腳嘅情況下，玩家夾硬「指入」時，不但會令風俗孃有痛感，更會有種被侮辱嘅感覺，更何況M腳能畀到玩家手指活動空間，咁又何樂而不為呢？可能有玩家會話，日本唔係有種叫M系風俗店咩？當中嘅風俗孃咪可以亂「指入」囉！錯！其實都要等M系風俗孃提出可以「指入」後，玩家先至可以進行呢個動作。<br/><br/>禮儀3：先調情再「指入」<br/>正所謂「熱飯唔可以熱食」，去得風俗店就唔可以心急，一定要先同風俗孃調下情。調情固然係為咗令玩樂氣氛提高，只係更重要嘅係希望能令風俗孃容易進入狀態。因此若然喺冇準備下就強行「指入」，就唔好怪風俗孃黑面。<br/><br/>風俗孃：真心唔鍾意<br/>日本AV中嘅「指入」演出，總係會見到女優興奮到典嚟典去，現實中卻經常有日本玩家指，風俗孃嘅反應其實一般。日本風俗孃論壇「風俗孃真心話」（風俗嬢の正直しんどい）上，就有唔少風俗孃坦言佢哋一啲都唔享受呢種玩法，佢哋抗拒嘅理由有好多，好似經常被指甲刮傷、玩法令佢哋一啲都投入唔到、感覺唔受尊重等，卻冇一個理由係同玩家嘅指技有關。