東網電視
更多新聞短片
風間由美表示即使拍AV咁多年，家陣依然會喺拍攝之前一晚失眠，原因係擔心表現未能夠令AV迷滿意。
1/5
對於熟女系AV作品有認識嘅朋友，一定聽過風間由美呢個大名，今年38歲嘅佢，出道拍AV已經20年，喺呢20年間，面孔由青春可人蛻變為成熟美艷，雖然身材比初出道時肥咗少少，但係肌膚依然鮮嫩白淨，經過咁多年後仲Keep到高質素實在難得！
由美姐作為熟女系最具人氣同實力嘅女優，一直都同熟女AV名廠Madonna合作無間，5年前出道15周年嘅時候，M廠為佢拍咗部紀念作品，如今出道20周年，M廠唔單止為由美姐精心炮製紀念作《祝！迎接AV女優20周年，成為Madonna專屬女優的風間由美》，仲將佢招攬成為旗下專屬女優，以示尊敬及重用！做專屬女優好閒？非也！由美姐表示不知幾咁高興呀，事關喺呢20年女優生涯當中，由美姐原來未曾做過一間AV廠嘅專屬女優，難怪佢開心到幾乎流眼淚！
M廠除咗為由美姐拍20周年紀念大作之外，仲隆重其事開設一個專屬網頁，除咗介紹相關作品，仲製作咗多張貼圖畀大家下載，讓大家隨時隨地都可以見到由美姐迷人嘅面孔啦！此外，M廠亦特製一件紀念短袖T恤隨20周年紀念作限定版附送。
知道由美姐出道20周年咁大件事，有傳媒特別搵佢做專訪，佢話對於踏入20周年感到相當興奮，仲話自己已經拍咗超過2,700部AV，拍AV已經成為佢嘅習慣以及生活嘅一部分。被問到最難忘嘅一次演出經歷，由美姐就有少少眼濕濕，因為令佢最難以忘懷係同上年離世嘅一代天后紅音螢合作！最後由美姐話雖然出道咗咁耐，但係每次拍AV之前都會好緊張，擔心表現欠佳而令大家失望，喺沉重壓力影響之下以致失眠。其實唔使咁擔心吖，由美姐實力咁強，出兩成功力都已經足夠令作品精彩萬分啦！
熟女王者風間由美出道20周年，早前AV廠Madonna特別為佢舉行慶祝會，同場仲拍埋片收錄於20周年紀念作品當中。
《祝！迎接AV女優20周年，成為Madonna專屬女優的風間由美》唔單止係風間由美嘅20周年紀念作品，仲係佢出道來首次以專屬女優身份演出嘅作品。
除咗拍紀念作品，仲特製由美姐嘅貼圖畀大家下載。
喺特製嘅恤衫上面印有「專屬女王」，確立由美姐嘅專屬地位。
