是日本性：消失中的偷窺部屋

偷窺，廣東話又叫?嘢，而?嘢好似係人類嘅天性，只係呢種天性喺男性身上零舍明顯。而日本有種名為「偷窺部屋」（のぞき部屋）嘅風俗行業，正正為咗滿足男士?嘢心理而誕生。不過隨住時間推移，打正「偷窺部屋」嘅風俗店已愈嚟愈少，可以話係消失中嘅風俗類型。<br/><br/>偷窺部屋の源起<br/>「偷窺部屋」（のぞき部屋）喺日文中又稱為「覗き部屋」或「偷窺劇場」（のぞき劇場）。據稱最早一間「偷窺部屋」係喺1981年2月於大阪出現，而佢嘅靈感係嚟自喺1947年於東京新宿帝都座，舉辦嘅一場「畫框表演」（額縁ショー）。所謂「畫框表演」就係先喺舞台上竪立一個大型畫框，然後讓一名裸女走入畫框內，並擺出世界名畫中女性嘅甫士畀人睇。不過有另一種講法指，日本最早出現嘅「偷窺部屋」應該係喺1981年時，於東京涉谷開業嘅偷窺劇場「劇院4.5」（シアター4.5）。<br/>姑勿論究竟喺大阪定東京出現先，但可以肯定呢種將裸體演出同偷窺慾合而為一嘅風俗服務，喺當時確實引起相當大嘅回響，而各種「偷窺部屋」更係好似雨後春筍般湧現，每日生意額超過50萬日圓。不過時至今日，由於偷窺部屋玩法單一，冇得同風俗孃有身體接觸同缺乏新鮮感，店面佔地又大而法規限制多，加上另一種同樣玩偷窺，主題卻更吸引嘅「JK見學店」（JK見学店）嘅競爭關係，因此縱然收費便宜，仍慢慢被取替。據稱現時日本攞正牌經營嘅偷窺部屋，從最高峰超過3,000間到家陣少於10間。<br/><br/>點樣偷窺法<br/>話時話，偷窺部屋係點玩法嘅呢？偷窺部屋分成環形舞台式同獨立房式兩種設計。前者以表演者嘅舞台為中心，然後以半圓形式圍繞設有單面鏡嘅獨立觀眾房，觀眾透過細小嘅單面鏡窗口，偷窺舞台上嘅脫衣舞，或扮做日常生活但加入自娛演出。至於後者則變成一對一嘅獨立單面鏡房間，而表演者則會針對性喺單面鏡前搔首弄姿。<br/>除設計上有分別外，演出方式亦有唔同。有啲偷窺部屋會以劇場方式，按特定時間進行演出，就好似戲院方式咁等觀眾按時入座；有啲則係按玩家要求，入店後先行指定某位風俗孃進行表演，然後入房等待風俗孃喺房內進行演出。此外，不論邊種類型嘅偷窺部屋，觀眾房內設有垃圾筒同擺放紙巾盒，至於用嚟做乜，相信大家都估得到。<br/><br/>偷窺守規矩<br/>偷窺部屋嘅規矩相當嚴格，首先就係全店嚴禁拍攝，因此觀眾喺入店後要將任何具有攝影功能嘅器材，連同各種隨身物品，先行放喺接待處嘅保險櫃內。其次則係觀眾喺風俗孃演出時，絕對唔可以發出噪音，以免滋擾表演者同其他觀眾。最後係絕對唔可以同風俗孃傾偈，演出途中觀眾只能發出指令，而演出之後觀眾亦唔可以接觸對方。不過如果觀眾肯加錢嘅話，事後都可以同風俗孃嚟一張合照嘅。<br/><br/>新宿元祖場<br/>大家咪睇呢間位於新宿歌舞伎町嘅偷窺部屋「New Hot Point」（ニューホットポイント）個門口咁新，而官網又設計得相當有時代感，查實佢係間歷史悠久兼且報稱係歌舞伎町元祖偷窺部屋！有日本網民稱呢間偷窺部屋存在已久，只係因搬過好多次先至有新店嘅誤解。場內糅合咗環形舞台式及獨立房兩種設計，換言之觀眾可以按自己嘅喜好嚟睇表演。至於入場費為2,200日圓（約HK$152），若然係學生嘅話則係1,700日圓（約HK$117）。不過大家唔好諗錯咗，呢度所講嘅學生係指年齡超過21歲嘅學生，亦即係大學生呀！<br/><br/>玩懷舊偷窺部屋<br/>新宿歌舞伎町僅存兩間偷窺部屋，除咗上述嗰間外，就係呢間「Madonna」（マドンナ）。自稱元祖級嘅佢，雖然唔知佢開業先定「New Hot Point」開業先，但講到懷舊感佢就真係贏晒。與此同時，佢喺網絡上嘅人氣同樣相當高，事關佢主打年輕貌美嘅風俗孃演出，同時因為佢嘅規矩相當嚴格，反而令觀眾有種安全感。舞台設計同樣採用環形舞台式及獨立房並存，入場費為2,000日圓（約HK$138），而學生價則係1,500日圓（約HK$104）。