東網電視
更多新聞短片
【決性11點】中女絲襪谷：女人着男裝就好地地，但男人着女裝就......
「你兩個今日有無見到Peter仔」阿田
「無喎，做咩？」艾美美
「佢派錢呀？」Joe君
「佢今日個造型好爆。」阿田
「着裙？定無着？」艾美美
「係着咗件老虎紋毛毛褸啫」阿田
「原來馬鞍山單嘢其實係佢嚟」艾美美
「哈哈哈哈哈哈哈哈哈哈哈哈」阿田
「啋，原來今朝見到嗰個係佢」Joe君
「你見到？」阿田
「我睇後面以為係邊位闊太咋」Joe君
「佢不嬲都鍾意着女裝架啦」艾美美
「我以為佢着咗阿媽件褸咋」阿田
「或者真係呢」Joe君
「又話唔定兩份着添」Joe君
「其實佢係咪攣架」阿田
「好似唔係喎，我見佢喺公司溝女」艾美美
「好姐妹咋啩？」Joe君
「我想講......佢着衫真係好Q乸」阿田
「佢嗰啲係啡唇，你識乜」艾美美
「我真係識條鐵」阿田
「其實啡唇得兩種」艾美美
「邊兩種？」阿田
「靚同唔靚」Joe君
「佢啲靚我真係唔識欣賞，標準邊個定呀？」阿田
「所以，我認為啡唇只有『你自己覺得靚』同『人哋覺得你靚』兩種」艾美美
「之前Peter仔都着過C呼同喱士，仲有短褲襯長靴，睇到我呢......」Joe君
「男人老狗着成咁，佢唔係攣，唔通有易服癖！」阿田
「鍾意着女裝又唔等如有易服癖」艾美美
「有易服就由頭到腳扮晒女人啦」Joe君
「佢除咗仲留住個伊麵頭，都仲未化行妝着高踭鞋......」阿田
「如果佢青靚白淨、樣靚身材正，易服我都OK接受架」艾美美
「下？5呎差半吋加埋猿人咁嘅面孔，唔諗係得呀？」Joe君
「所以咪話如果佢『樣靚身材正』囉」艾美美
「No No No！男人着女裝點都唔OK」阿田
「女人着男裝又 O唔O呢？」艾美美
「好好多」阿田
「不過有時女人着女裝，又未必OK」艾美美
「例如呢」Joe君
「幻想下Joe君着三點式泳衣~」艾美美
「頂！我唔想有畫面」阿田
「我有件中間拉鏈，可以拉到上頸又可以落到肚臍嘅Deep V泳衣，幾時欣賞下？」Joe君
「Sorly Solry！ 係我錯係我錯，我掌自己嘴！」艾美美
