【決性11點】女友唔再Like啪啪啪　唔通...

結識異性係人類嘅本能，而對於男人嚟講，搵到可以發展親密關係嘅女性嘅，總希望能有更進一步嘅關係發展。不過早前有位男網民卻表示，起初新相識嘅女友都樂於同佢啪啪啪，點知其後卻經常拒絕，究竟發生乜嘢問題呢？話說呢位男網民識咗個女友，拍拖一個禮拜已經啪啪咗。起初每日都會啪啪，點知過咗一個月，女友卻經常拒絕佢嘅要求，而理由就係唔想兩人關係之中只有性愛。男網民覺得奇怪，起初都係女友提議要啪啪，仲話若然唔同佢啪啪即係唔愛佢，家陣搞成咁，叫佢唔知點好。<br/><br/>網友神回應：<br/>雙色孖辮蝶：你女友有咁嘅諗法一啲都唔奇，好明顯你同女友喺拍拖期間，只係掛住啪，跟住佢發覺唔對路，咪先至會同你咁講囉！男人其實知唔知女人最重要係安全感，當初同你曳曳可能係想快啲同你確立關係，點知後嚟發現你剩係記得嗰句「唔啪唔愛佢」，次次見面都話要啪啪，個女仔唔驚咗你就奇。<br/><br/>飛彈炎爆：女友嘅心理就係咁奇怪㗎啦，一時一樣係佢哋嘅專利。不過作為男人，又唔好好似禽獸咁淨係將焦點放喺啪啪度，試諗吓，若然你真係想發展成長遠嘅關係，十幾二十年之後，你係咪仲有咁多體能可以啪啪啪先？相處，真係唔係得個搞字㗎！<br/><br/>三式貓：我撐你呀！撩上床嘅係佢，唔想得個啪字嘅又係佢，咁你玩晒啦！你鍾意時我又要順你意，唔鍾意時又要跟住做，你當我係你屋企隻汪汪呀？其實呢種咁自我中心嘅女人，要唔要都擺，不如搵個夾得嚟嘅做女友仲好啦！<br/><br/>月牙半個彎：其實「新鮮感」3個字就可以講晒，你女友只係比你早啲厭啫！講真，日日咁啪啪啪係人都悶。方法有兩個，一係諗多啲嘢玩，等大家唔唔使一行埋就只係掛住啪，另一樣就係玩多啲床上花臣，令啪啪啪多啲樂趣。