東網電視
更多新聞短片
相信好多人都發過類似噩夢。（設計圖片）
「夢到家人過身，自己聲淚俱下，甚至哭醒...」此經歷相信不少人試過，仲會擔心係寓言。原來心理學家佛洛伊德一早解釋過，係咪寓言就未知，但有一點好有可能嘅係︰你曾經好想佢「死」！
唔使咁緊張，在心理學角度，這一切都有合理解釋。佛洛伊德指出，親人離世的夢主要可分成兩大類︰兄弟姊妹之死及父母之死。會做這些夢，其實與你兒童時期的「潛意識」有關！
「細佬妹搶晒我啲玩具，媽咪話我大過佢要讓佢，以前都唔係咁！」類似對白相信經常掛在長子長女口邊。面對弟妹突然「來襲」，長子女忽然覺得失寵。而對幼子女來說，哥哥或姐姐亦同樣分薄了父母對自己的愛。於是在無形間，兄弟姊妹間互相產生了「敵意」。
而父母之死，就要想想自己的第一個「情敵」是誰。逃不出「異性相吸」的道理，小時候我們很容易誤會同性別的至親跟自己爭寵，所以夢到父母死亡的情況中，一般會以跟自己同性別的至親離去佔大多數。即囝囝夢見父親去世，囡囡夢見母親過身。
小時候，我們對死亡並無確實的概念，只會大概明白人死後就等於不再回來。因此，小時候的潛意識下，我們會希望兄弟姊妹、假「情敵」消失，而在夢中以「死亡」的形式呈現。
