順Phone快遞：IG更新！Stories多圖上載

不少朋友都鍾意玩Instagram的Stories（限時動態）功能，以往用家就一定要逐幅相、逐段片上載，的確幾麻煩。最近官方就推出更新，容許用家於Stories一次上載多幅相片及多段影片。更新後，只要進入Stories內的圖庫頁面，右上角就會出現多個上載的圖示，最多可以上載10幅相片或影片。而預覽頁面中，用家亦可以為每幅相或每段影片加入貼圖、文字等有趣內容。Instagram的Android版更新已經即日推出，而iOS版更新則就要再等等喇！<br/><br/>Oppo A3 大容量中階機<br/>內地品牌Oppo剛宣布推出中階手機A3，新機繼續採用時下大熱的全屏幕設計，6.2吋19：9屏幕佔機面面積88%。機背特別用上「納米級微晶工藝」，令機背表面帶有類似鑽石切割的光影效果，設計頗有特色。至於硬件，內置Helio P60處理器、4GB RAM、3,400mAh電池，較特別是容量中階機罕見的128GB ROM，並可以加插記憶卡。另外，前置800萬像素及後置1,600萬像素鏡頭，相機亦內置AI智慧美顏功能，理論上令自拍效果更好。<br/><br/>LG G6有得食Oreo<br/>LG近排除了新機V30s ThinQ，手機業務都冇咩動靜。原來密密為旗下手機進行更新，官方就確認將於下星期推出G6的Android 8.0 Oreo系統升級，首個獲得升級的國家將會是韓國，相信其他地區的G6用家都唔需要等太耐。升級Oreo後，系統速度、電量、圖像顯示等表現都會全面提升，亦會支援影片畫中畫功能以及類近V30s ThinQ的AI人工智能功能。值得一讚係，早於2016年推出的V20、G5稍後亦會推出Oreo升級！