ic!berlin香港限定系列　每色限量45副

香港有名你叫購物天堂，基本上你噏得出名嘅大小名牌，喺香港都可以唾手可得，而且好多時定價仲平過歐美日，但講到乜乜限定、乜乜特別版就通常都無香港份。今次德國眼鏡品牌ic!berlin就有眼光喇，特別為香港推出限定iseehongkong系列，4款鏡架設計分別以Victoria Harbour（維多利亞港）、Clock Tower（尖沙咀鐘樓）、Peak Tower（太平山頂凌霄閣）及Haw Par Mansion（虎豹別墅）4個香港著名地標命名，鏡架均採用ic!berlin招牌三無（無螺絲、無焊接及無彈簧）設計打造，以超薄精鋼配合醋酸纖維勾勒出「中金」款式，鏡臂內側亦印上以四大地標繪畫而成的天際線作點綴，每款鏡架均有3種配色推出，每色只限定推出45副，換句說話整個香港限定iseehongkong系列亦只限定推出540副，難得有眼鏡品牌肯以香港元素為香港呢個豆腐潤城市仔推出限定系列，作為身處香港嘅眼鏡迷點可能唔入返一副半副支持吓？<br/><br/>此外，除了上述德國眼鏡品牌ic!berlin為香港而推出的限定系列之外，由中島正貴（Masataka Nakajima）所主理的日本眼鏡品牌GROOVER，是次亦特別與本地眼鏡名所SPECstore推出聯名鏡架，設計風格貫徹GROOVER一貫美式復古氛圍，以玳瑁色板材結合經典羽毛窩釘細節打造，並隨鏡附送由日本Caesar Flip打造的專屬太陽眼鏡鏡片Flip On方便夏日配襯之用，左邊鏡臂內側印有金色「SPECstore眼鏡店」字樣以凸顯鏡架為聯名款式，只限量發售30副，不容錯過。