色日放送：5月照相館

欠債女剝光豬

石岡真衣喺2011年出道成為藝人，初期加入團體「怪傑！Tropical丸」展開藝能生涯，現時係知名女團「惠比壽★麝香葡萄1.5」其中一位重要成員。石岡真衣樣子標致又好身材，當然惹人注目，成副偈都雪白鮮嫩，真係引死人！但係真衣最為人注目嘅地方，就係2014年佢表示自己因為到東京讀書而欠下後母300萬日圓，所以每日努力工作都係為咗還債。

最近石岡真衣推出嘅個人寫真集《惡だくみ》中，作出好多性感大突破，唔知係咪因為想快啲還清咗債項，所以演得咁激呢，但可以肯定嘅係真衣今次會將露出程度大大提升，穿着好多酥胸半露又或者僅僅遮住乳點嘅服飾，甚至會有全裸而唔露點嘅場面，等大家可以用肉眼細意品嘗其優質誘人體態，更重要嘅係從真衣搔首弄姿當中，感受到佢久經歷練而得來嘅妖艷氣息！

青春巨乳「威」番次

年方19歲嘅小倉優香係日本寫真界嘅超新星，喺上年成為《周刊Young Magazine》封面女郎之後，人氣勁升，全因為優香唔單止擁有可愛又純潔嘅童顏，仲擁有一副高挑身材，同時上圍有35G咁勁，難怪有人形容優香為「現實版峰不二子」，之後仲成功喺「第四屆封面女郎大獎」奪得寫真部門獎。優香挾住強勁嘅人氣，喺電影圈亦發展順利，有份參演嘅電影《人狼遊戲 地獄》已喺早前上映。

《ぐらでーしょん》係小倉優香出道以來嘅首本寫真集，為隆重其事當然要出國取景拍攝，而地點就選定於風光明媚又充滿熱帶風光嘅夏威夷。優香去到當地嘅海灘、樹林等以性感三點式上陣，將雪白又激凸嘅曼妙體態盡情展露，最重要嘅係可以睇優香喺不同環境都會展露出充滿陽光氣息嘅燦爛笑容，令人睇完之後煩惱全消，甚至覺得成個人都通體舒暢呀！

美魔女露全相

岩本和子今年39歲，但係外表睇落似係二十尾三十頭，樣貌妖艷之餘，身材亦相當吸引，擁有5呎5吋高挑身形，而上圍有34D，分量十足，全身更加可以話係冇多餘脂肪，難怪早前獲雜誌選為「十位傳說中之美女」喇。岩本和子喺36歲嘅時候係白領女郎，後來參加「第3屆國民美魔女」選舉而成名，和子因為參加呢次比賽而生起對美容嘅興趣，家陣已經擁有日本美容協會認定嘅治療專家資格，仲推出咗一系列美容產品。岩本和子認真係才貌雙全，但係相信大家比較鍾意睇佢全相多啲，咁大家就要支持和子嘅寫真集《神秘》喇！呢本雖然係和子首本個人寫真集，但係和子嘅演出絕對唔會就住就住，當中有大量水着和內衣照之外，和子仲會全裸上陣，將自己引以為傲嘅雪白婀娜胴體展現喺大家眼前，加埋具攝魄勾魂之美嘅妖艷表情，令寫真集可觀指數爆晒燈！