SMART風：手機成日收唔到？4個必知應急術

大家平時點睇手機訊號強弱？相信最簡單都係睇主畫面有幾多格，如果想再精準一點知道當前位置的訊號強度，甚至乎改善訊號問題，就要留意以下幾招應急術，有可能會幫到你。

第一式：隱藏的訊號數字

睇訊號有幾多格其實唔難，不過要令它變成數字化，相信大家會更精準了解，若然你是用Android手機的話更簡單，只要開啟「設定」＞「關於手機」＞「狀態」＞「SIM卡狀態」，就會清楚睇到以dBm為單位的訊號強度。假如你是用iPhone的話，以往只要按下「*3001#12345#*」，再按下撥號，然後進入Field Test模式，便能夠顯示dBm值，不過相關功能在iOS 11或以上系統無法顯示。一般情況下，-50至-75dBm代表擁有很好的訊號，而-75至-90dBm則是一般，至於-90至-110dBm就代表訊號較弱，低於-110dBm則接近盲區。

第二式：停留幾分鐘檢查訊號

剛才提到的dBm單位，其意思是分貝毫瓦，為一個指代功率的絕對值，如果dBm從-105增長到-95，事實上信號已增強了10倍，又若然dBm由-105增長至-75，其實不止是30倍，而是增強超過1,000倍了。而平時大家逗留時間最長的地方，莫過於屋企和公司，所以想知道邊個位置接收的訊號最強，可以在每間房間停留幾分鐘，再睇睇dBm數值，就知道邊度上網最流暢。

第三式：重啟訊號 切換飛行模式

一般情況下，就算你附近的訊號較強，事實上手機已連接着某個特定的訊號塔，避免在不同的訊號塔之間切換，造成不穩定的情況，不過這樣的話，在個別盲區會造成手機訊號不佳。呢個時候不妨試試重啟訊號，唔需要做到關機重開的動作，最間單直接的方法，就是把手機切換到飛行模式，大概等5秒左右，再關上飛行模式，手機就會重新搜索訊號，從而提升訊號強度。

第四式：關上低電量模式

當手機用上一段時間，電量就好似「倒水」一樣，而好多人就會因而開啟低電量模式，但你要知道低電量模式會減少自動下載、無線網絡的效能，因此會限制網絡活動，有機會減慢運作，所以為了令上網更流暢，建議關上低電量模式，冇電就應該去叉電呢。

如果以上種種都幫唔到大家解決訊號問題，轉台應該係最好嘅辦法！