法國妹　索到冇得輸

今晚11點，你會喺邊？「2018歐洲國家盃」，唔係，係世界盃先啱，邊個攞冠軍都肯定唔係你愛隊，但學娥姐話齋「志同道合是夥伴，求同存異都是夥伴」，唔撐法國隊都冇理由唔撐法國妹。皆因兩隊對碰，法國妹真係高幾班，睇波更要「睹」埋對波呀！<br/><br/>Rachel Legrain Trapani 法版好女友<br/>被外媒形容為法國版「絕世好女友」嘅Rachel Legrain-Trapani，如今係法國右閘班捷文柏華特新女友，查實佢兩個喺世界盃前先正式撻着，而Rachel喺2007年贏得法國小姐冠軍，裙下之臣多到瀉，可惜多段感情都無開花結果，直至幾年前同位退役足球員生個仔Gianni後又無疾而終，又唔知點解只得22歲嘅班捷文柏華特或者鍾意姊弟戀，同Rachel Legrain-Trapani搭上，女方更飛身到俄羅斯支持，難怪男友表現出色，喺16強對阿根廷一役，當住女友面前，轟入追成平手嘅世界波，話唔定捧盃都靠佢喇！<br/><br/>Alicia Aylies 索到「爆炸」？<br/>對比其他大熱國家隊，法國妹都算非常低調，好似「忍者龜」麥巴比（Kylian Mbappe）緋聞女友Alicia Aylies咁，咪以為阿囡爆炸頭就唔吸睛噃，查實佢得廿歲女，係大學法律系學生，亦係2016年度圭亞那小姐，更係去年法國小姐冠軍，今屆世盃佢就飛身過俄羅斯，着住冇印「冧把」嘅法國波衫，低調撐球隊，可惜被「埃豬」出賣咗，皆因呢位自稱從未在法國本土生活過嘅法國妹，忽然「愛國」，仲同班捷文柏華特女友Rachel Legrain-Trapani排排坐捧場，唔知為乜呢呵？<br/><br/>Marine Lloris 收服男模<br/>被網民質疑入錯行嘅法國門神洛里斯（Hugo Lloris），人人都話佢做男模舒舒服服仲好搵，佢憂鬱嘅眼神、唏噓嘅鬚根、神乎其技嘅撲救，結果咪抱得美人歸囉！2012年同老婆Marine Lloris結束長達7年愛情長跑，婚後生咗個「金叵羅」Anna，其後職業生涯愈踢愈有，連索爆老婆都被佢搶盡風頭，但查實外媒指係Marine Lloris識做先真，皆因阿嫂係法國電視台主持，亦擁有法律及人力資源學位，當地傳媒仲話賢淑大方嘅Marine Lloris，情願相夫教子，同埋搞兒童服裝品牌好過喎！<br/><br/>Charlotte Pirroni 有偈更有計<br/>雖則泰奧雲今屆冇份落場，唔緊要，女友Charlotte Pirroni有撐場球迷仲開心啦！呢位早喺廿歲已當選法國尼斯蔚藍海岸小姐冠軍，2015年參選法國小姐獲得亞軍。現年24歲，摩洛哥人，人索學識高，有市場及管理學學位，現為全職Model，IG粉絲超過30萬人，志願係開Model公司。<br/><br/>Maria Salaues 人生勝利組<br/>法國球星保羅普巴（Paul Pogba）「泰」有愛，將早前砌低比利時勝利獻獲救泰少足隊員私底下都好有愛心爆棚，對支婚妻Maria Salaues呵護備至，鬼咩？佢女友係23歲玻利維亞美女，現居邁阿密，係全職model一名，去年暑假喺美國撻着，並已公開戀情。雖然外媒形容係「美女與野獸」，但睇女方IG派福利亦不忘放閃，真係Swet到核爆呀！<br/><br/>法國新力軍<br/>睇完啲球星「筍盤」，不妨望下啲新力軍，話唔定下屆佢哋都係乜乜乜球星女友㗎，雖然佢哋今日冇朵，但架生絕不輸人。<br/><br/>Nabilla Benattia <br/>公平咩？睇完Nabilla Benattia你咪知世界有幾唔公平囉！92年出生，14歲開始Model之路，之後入電視台參加真人騷爆紅，近年喺歐美多國拍廣告搵食，今屆世盃更被拉去做「足球寶貝」撐法國隊，一生都可謂玩玩吓咁度過，無奈先天條件實太正，社交網閒閒哋300萬followers，亦曾喺Maxim及花花公子拍攝近乎全裸寫真，正到爆！<br/><br/>Bambi Joli <br/>我沒有6呎高，但我會睇寫真對佢好！唔識6呎高嘅Bambi Joli唔緊要，事實外界對佢背景所知不多，頂多係知佢係法國妹，年25歲，身高6呎，同埋最緊要係國際級裸模咪夠囉！邊個話裸模事必要巨乳㗎？Bambi Joli煞食唔使靠三圍，因為網民對阿妹cool爆外型留下深刻印象，加埋佢右眼下角粒墨好鬼銷魂呀！