【決性11點】男友着T-back　感覺特別High

男人日常底褲嘅款式，不外乎孖煙囟、三角褲同平腳貼身底褲呢3種，只係各位男士有冇諗過，原來偶爾換吓底褲款，竟然可以引起女士嘅慾火呢？有位女網民喺網上分享稱，佢同居男友平日最愛着孖煙囟喺屋企周圍走，點知有日佢換咗條T-back，搞到佢心如鹿撞慾火急升溫！佢話：「問佢（男友）條T-back喺邊度嚟，佢笑笑口話喺網上買，覺得幾得意。見到佢前面高高凸起，心跳不但急速起嚟，再望下佢個Pat Pat，好性感呀！呢次之後，我偷偷喺網上買咗幾條畀佢，然後叫佢着嚟畀我睇，每次睇到我都嚟料，仲不知幾咁興奮。唔知我呢種反應係咪鹹濕咗啲呢？順便講埋，我着嘅話男友又冇乜特別感覺，真係奇怪。」<br/><br/>網友神回應：<br/><br/>COM知：其實有乜嘢鹹唔鹹濕吖，最重要係你鍾意而你男友又願意。話時話，好彩你冇叫男友平日着T-back出街咋，睇怕佢未必肯制。因為T-back呢樣嘢真係唔係咁舒服，玩吓就得，長時間着真係咪搞。<br/><br/>Tiffany C：我不覺得你鹹濕，反而很有情趣呢。其實我也很喜歡看男人穿T-back，只是我男友是個胖子，同時亦沒有你男友那麼有情趣，願意玩新意思來調情。如果可以的話，我也想男友用T-back來刺激我眼睛呢。<br/><br/>最愛是睡：男人睇T-back又唔一定有反應嘅，最重要係咪着得好睇啫，呢點你一啲都唔使介懷喎。反而係你男友真係暖男，竟然咁有情趣諗啲咁嘅嘢，抵讚。<br/><br/>長春自有長春男：男人老狗着乜嘢T-back呀！真係變態！如果我條女叫我咁着，我一定乜佢呀！當然你哋都鍾意，我都無謂多講，因為我真係幾羨慕你哋嘅關係囉。