【決性11點】炮友畀咗張紅色炸彈我……

呢個世界有種關係，係有性冇愛嘅炮友關係，只係想維持呢種關係，最重要係兩個人都堅持有性冇愛，只係對呢位男網民嚟講，好似最終都做唔到呢點。呢位男網民稱佢個炮友其實係佢嘅前女友，喺前年分手後，兩人開始咗有性冇愛嘅炮友關係。每次出嚟食飯敍舊，食完飯都會去爆房。佢話：「我之前其實好享受呢種關係，約隔個星期就會出嚟一次。因為唔使點負責任，又可以同個熟悉嘅肉體親熱一番，所以分手咗兩年我都冇搵女友，而佢亦冇同我提過佢嘅感情生活。點知前日出嚟食飯時，佢話以後唔可以再同我做，因為佢就嚟結婚，然後就畀咗張婚帖我。我堅呆咗，冇諗過原來佢有男友，家陣仲話結婚！佢話同男友拍咗拖其實得一個月，只係因為對方好好同有經濟條件，所以決定同佢喺埋一齊。我個心好傷呀！我發覺原來一直鍾意緊佢。如果追返佢嘅話，唔知有冇機會呢？」<br/><br/>網友神回應：<br/><br/>出文琪：你話男人係咪賤吖！冇事冇幹就話好享受唔負責任，當有人要你個前度，你又話唔捨得。如果你真係鍾意佢嘅話，當日分手後又唔再追返人。我話畀你聽：「你冇機會呀！」<br/><br/>射歪非路：你都識講你同前度已經分咗手，關係亦只限於炮友，咁你就應該做番炮友嘅角色。如果佢真係鍾意你嘅話，又點會畀人追走呢？好明顯佢其實都係唔想對你負責任。<br/><br/>Cathine_S：其實你的前度（或炮友）已經告訴了你答案，對方「經濟條件」說明你的經濟條件真的不行，另一個理由則是「對方很好」，即是說你性格不行，你說你憑甚麼追人？<br/><br/>唔好話我住：我覺得你可以追吓喎！佢結婚後肯定唔會再同你爆房，聯絡都會少咗。既然係咁你咪試吓追，追唔到，結果一樣，你冇損失。追到，你就可以繼續Keep Goning，幾划算。