東網電視
更多新聞短片
呢位來自台灣台南吉祥物《魚頭君》，居然在日本出道。(互聯網)
1/5
如果問大家日本吉祥物有邊幾個，可能隨隨便便都數到熊本熊、船梨精、彥根貓等等，但係台南嘅吉祥物，仲要喺日本出道，你哋又知唔知係邊位？登登！就係名叫《魚頭君》嘅虱目魚魚頭，係咪當堂打個突呢？雖然小編開頭都覺得好搞笑，不過論魚頭君嘅造型，雖則稱唔上可愛但亦夠趣怪，據知呢位吉祥物由設計師「Marcomics」負責，由於台南美食當中經常食到虱目魚，加上虱目魚可以單獨用魚頭製作美食，所以順理成章，就用咗虱目魚魚頭作為吉祥物了。
而魚頭君除咗喺台南四出做旅遊大使，上個月更去咗日本出道兼宣傳，佢除咗去名勝地好似道頓堀、黑門市場、京都二條城等打下卡，仲上埋讀賣電視台參加「弾神オドロッカー」節目錄影，仲同彈神一齊跳番part舞添，觀眾睇到超High呢~
這位魚頭君，真的是個魚頭呢~(互聯網)
魚頭君更去到讀賣電視台同彈神一齊跳舞，好high呀。(互聯網)
設計師因為想到虱目魚是台南美食，所以便用虱目魚魚頭做吉祥物。(互聯網)
上個月到日本宣傳台南，到大阪名勝打卡。(互聯網)
