東網電視
更多新聞短片
如果真係日日都「行」十萬步應該好快被人識穿，「刷步數」呢家嘢一定要適可而止。（互聯網）
1/4
隨着科技發展一日千里，現時好多應用程式都需要配合智能電話內置的計步器或GPS定位系統去操作，計算用家每日步行的步數或距離從而給予獎賞，但有時攰起上嚟想行都行唔郁咁點算？
呢個號稱為「健步神器」的電話座就可以幫你安坐家中，汗都唔使流一滴咁「刷步數」。使用時只須要將部智能電話固定於支架上，插上電源後電話座就會不停前後擺動，令智能電話內置計步器幫你計算步數，其運作原理與機械手錶專用的自動上鏈錶盒類近。據稱適用於各類型需要計步數的應用程式，而且更可以自動變化步數頻率，模擬散步或跑步節奏，增加真實感，以免被應用程式識破奸計，完全係道高一尺，魔高一丈！
你睇吓呢個「健步神器」設計講到幾咁精密。（互聯網）
聲稱適用於200多款智能電話及各類型應用程式。（互聯網）
仲話可以自動變化步數頻率，模擬日常散步或跑步節奏，但留意番如果應用程式是以GPS計算距離的話，此神器就會廢武功，但可以瞓住覺「刷步數」呢個賣點又的確好吸引。（互聯網）
