東網電視
更多新聞短片
生活夜校：獅子狗的前死今生（互聯網）
1/4
世事難料，獅子狗卷突然爆紅，其實獅子狗卷（簡稱獅子狗），近年大家對呢種美食都見慣見熟，更是打邊爐的美食，不過大家對獅子狗卷，認識又有幾深呢？
【獅子狗卷唔係叫獅子狗卷】
呢種來自日本嘅食物，叫做竹輪（ちくわ、chikuwa），係將魚糕包住竹等棒狀物體燒或蒸成，係魚肉製品的一種，由於將竹拔走後會形成筒狀，跟竹的切口相似，故叫竹輪。
不過香港人認識獅子狗卷，大多係因為八十年代TVB的日本卡通《忍者小靈精》，卡通入面其中一個角色叫做獅子狗，最鍾意食呢種食物，當時香港人未見過呢種食品，久而久之，就稱之為獅子狗卷。
【獅子狗唔係叫獅子狗】
其實就算係《忍者小靈精》入面獅子狗，本名都唔係叫獅子狗，而係叫「獅子丸」（ししまる），原來日本自平安時代以來，對於自己的愛物（如刀、狗等寵物）的名字都會加一個「丸」，而忍者小靈精這隻愛犬品種屬於鬆獅犬，因此便稱為「獅子丸」，不過當年的翻譯大概估計香港人見到隻狗有個「丸」字便很奇怪，因此便改名為「獅子狗」。
獅子狗卷來自日本，叫做竹輪（ちくわ）。（互聯網）
日本自平安時代以來，對於自己的愛物的名字都會加一個「丸」，而忍者小靈精這隻愛犬品種屬於鬆獅犬，因此便稱為「獅子丸」。（互聯網）
或許當年TVB的翻譯估計香港人見到隻狗有個「丸」字會覺得奇怪，因此便改名為「獅子狗」。（互聯網）
