飲食嘗識:焦糖燉蛋同布甸 到底有咩唔同?

2019年08月16日 17:00
東網電視
更多新聞短片
法式焦糖燉蛋(左)及焦糖雞蛋布甸無論材料及賣相都有點相似。(胡振文攝)

滑嘟嘟的法式焦糖燉蛋,啖啖都有陣陣豐富的奶香,吃起來又香又甜,絕對是最受歡迎的西式甜品之一。提起法式焦糖燉蛋,好多人自然就會想起焦糖雞蛋布甸,焦糖雞蛋布甸的口感比焦糖燉蛋挺身,入口同樣滑溜香甜。原來兩者的造型賣相都好相似,難怪會將其混淆。今日就請來旺角一間5星級酒店,署理行政總廚陳繼志師傅(Roy Chan),講解一下兩者的不同之處。

Roy師傅指,好多人都以為焦糖雞蛋布甸和法式焦糖燉蛋好相似,但其實它們的材料、口感及做法都有分別。以焦糖雞蛋布甸為例,由於布甸的蛋味比較濃郁,因此,材料除加入蛋黃外,另會再加入全蛋,令蛋香更加突出。至於法式焦糖燉蛋,只需加入蛋黃,但牛奶及忌廉的成分就比較多。至於做法方面,兩者亦很不一樣。焦糖雞蛋布甸的做法,是先將焦糖煮好之後,注入小杯後再加蛋漿入爐燉熟,脫模後就完成焦糖雞蛋布甸。而法式焦糖燉蛋的做法,就是先將蛋漿焗好,跟着再加糖在面,用火槍燒完之後即成法式焦糖燉蛋。