果然有料到：泰國寶石球榴槤　超的骰但香甜綿滑

提到夏日水果，當然少不了榴槤的份兒，當中又以泰國及馬拉榴槤最常見，較為人熟悉的就有D24、貓山王和金枕頭等，而泰國榴槤總予人大大個的感覺，查實泰國還有很多不同品種榴槤，當中也有適合小家庭享用的的骰款式，好似迷你寶石球（Puang Manee）。這款榴槤外殼呈青綠色，每個約重3公斤，體積較一般泰國榴槤細小，果肉只有約10粒，果核大但肉質香甜，入口質感綿密，而且香氣濃郁，被喻為泰國高級的榴槤之一，媲美貓山王，每年出產的數量不多，市價大約每個百多元。

至於揀手貼士，與一般榴槤相若，首先要留意外殼，要顏色均勻；按一按榴槤釘，如果軟身代表熟；之後拿上手略敲，聽到聲音較低沉，代表榴槤肉成熟離殼，就可以開來吃了。