船運包裹失蹤3個月　香港郵政欠交代

陶先生透過網上拍賣平台將1部價值2500元的手提電話售予葡萄牙客戶，並在7月8日到荃灣郵政局寄件。由於手機內含電池，職員強調不能以空郵寄出，只能以船運方式寄件，未料郵包自此「影都冇」，「我睇郵政個網頁，話寄葡萄牙喺7月18號截郵，28號應該離境，點知對方一路都冇收到！」期間陶一直使用網上追蹤郵件服務追查，但網頁一直僅顯示「已離境」，確實去向不詳。

等候近2個月後，葡萄牙買家因未收件而要求退款，陶無奈退款後即向香港郵政申請追回郵包，未料再等候逾月才獲回覆，「前後等咗3個幾月，等佢覆係咪接納退件申請都等個幾月，但到呢一刻都未知份件去咗邊！」

香港郵政發言人承認，有關郵包於7月8日投寄，並在7月30日離港，10月22日已抵達葡萄牙，但未有言明何時成功派遞。發言人僅稱，接獲陶先生的追件申請時，已即時向葡萄牙郵政轉達，並承諾會緊密跟進郵件最終去向。發言人又解釋，包裹延誤派遞或涉及船期更改等突發因素影響，故最終離港日期或會與原有承諾期有出入。至於過去的延遲付運、寄失和追回郵包個案，發言人則指未有統計。

「如果香港郵政真係一收到我個申請就做嘢，咁點解個幾月之後先有人覆我？仲有究竟份件點解3個月先到葡萄牙？依家去咗葡萄牙邊度？佢哋一路都冇交代！」陶先生坦言不滿郵政的回應，並指事件仍有多個謎團未解，要求當局繼續跟進。

立法會議員鄧家彪指出，香港郵政國際包裹付運服務疑似延誤情況近日屢見不鮮，令市民大失預算，「間唔時就聽到有類似嘅投訴，市民一等就等幾個月，就算有網上系統都冇用，根本都查唔到份件喺邊同大既幾時會收到，香港郵政交代都冇聲，難怪市民反感！」鄧指郵政有責任交代各地包裹付運服務預計所需的工作天數，網上追蹤郵件服務的資訊亦應更準確，以減低不必要誤會，長遠則應改善服務效率，做到真正「準時、可靠」。