東網電視
更多新聞短片
旺角煙廠街每逢下午4至7時劃為禁區，禁止車輛駛入，但禁區內仍然泊滿車輛，更緊貼排檔而行。
1/6
旺角煙廠街末段兩旁排檔林立，為改善人車爭路情況，運輸署於2009年起實施繁忙時間車輛禁區措施，於每日下午4至7時將煙廠街劃為禁區，禁止所有車輛進入。不過，在上址經營菜檔的曾先生卻指該處交通仍非常混亂，「劃咗禁區係叫做好啲，但一樣泊滿車，星期六就最嚴重！啲車喺禁區時間都照行，嗰個時間最多人買餸，好易會撞到人！」至於街坊嚴太亦稱，曾目睹有長者被車輛輾到，「我成日都見到啲阿婆畀車車親腳，所以依家一有車嚟啲街坊就會大叫避開，但咁樣都唔係辦法，政府應該做下嘢啦！」
事實上，上址交通混亂問題一直為人詬病，《東方日報》去年亦曾作報道。記者近日再多次到場視察，只見道路兩旁泊滿車輛，禁區時段生效期間，有工人會以鐵欄圍封街道，但街道另一端卻有缺口尚未有圍封。直至黃昏前街上擠滿人群，仍然在禁區內違泊的車輛則會經缺口離開，以致不時與行人擦身而過，險象環生，期間亦有人擅自搬走鐵欄讓貨車駛離禁區。及至傍晚時分人潮及車輛均散去後，才有警員場巡邏。
「條街其中一邊因為地權問題，政府唔可以落閘，結果啲車就唔理個禁區指示，明明係禁區時間都經個缺口走！」當區區議員林健文表示，有關禁區措施已實施多年，但仍有不少車主無視指示於禁區時間違例停泊，待至黃昏人流最多時段才離開，甚至擅自搬開鐵欄駛出，令禁區形同虛設。林認為當局應檢討現有措施成效，並要求警方加強執法，「咁夜先去巡，啲車都走晒啦，警方應該喺落閘嗰陣嚟叫啲車揸走，否則根本保障唔到街坊安全！」
警方發言人證實，由去年2月至今年10月曾於上址向違例停泊、阻塞或在禁區內行駛車輛發出逾2千6百張告票，接獲轉介後亦曾於禁區時段內派人巡視，未有發現違例情況，但已提醒商戶負責人留意禁區時段勿違例停車或於禁區內駕駛。發言人又稱，已知會運輸署有關禁區措施時段內仍有車輛駕駛，以便部門檢視上址的禁區設計及規定。
運輸署發言人則說，過去3年共發生14宗涉及輕微受傷的交通意外，惟所有意外均在實施車輛禁區以外時段發生。
旺角煙廠街於2009年起實施繁忙時間車輛禁區措施，每日下午4時皆有工人於街道兩邊擺放鐵欄。
林健文指礙於地權問題，當局未能全面設置鐵欄圍封整個禁區範圍，令車輛可經缺口駛出。
有工人擅自搬開欄杆讓車輛駛離禁區。（箭咀示）
街坊嚴太指曾目睹有長者被車輛輾傷腳。
警方於傍晚時分到場，惟違泊車輛及人群已散去。
