網民熱話：阿婆賣菜被疑走私　網民狂轟亂噏

香港農業萎縮，農田買少見少，不少新一代都不知道本港仍有不少公公婆婆堅持本地耕作，每日把新鮮本地菜出售維生。近日就有網民上傳照片，質疑相中於街邊賣菜的婆婆是否賣走私菜，惹來大批網民回應，狠批樓主無知、「亂噏」兼「心地差」。<br/><br/>網民Bill Tang於社交網站facebook「Tai Po大埔」群組上傳照片，稱今早行經大埔太和橋，眼見有不少「啊嬋」周街賣菜，又稱他以往其他時段路過該處都未曾見過有婆婆賣菜，而大埔區沒有農田，質疑婆婆所售賣走私菜。<br/><br/>貼文一出，隨即惹來大批網民留言，斥責樓主「心地差」，惡意批評自力更生、自給自足的老農民。有網民指大埔仍有農田，婆婆賣的應是自家種的菜，質疑樓主是否明白何謂走私，稱「頂多佢地係冇牌既小販」。亦有網民批評樓主大驚小怪，「賣魚都有啦，賣菜者(姐)，搵小小買菜錢有幾出奇？」又有人指婆婆賣菜同時與街坊「So So(聯誼)」，根本是老人家生活一部分，指摘樓主太敏感。面對猛烈批評，樓主急忙解釋指，只是有不明白的地方故上傳照片以詢問網民意見。<br/><br/>有網民亦好心提醒樓主，20至30年前擺街賣菜的情況更普遍，鄉村老人家以農作物賺取生活費很平常，惟若一個「婆仔」有10籮、8籮菜賣則要多加留意。亦有人認為如樓主擔心的水貨問題，應促請政府打擊源頭，阻止毒菜入口。<br/><br/>網民有話說<br/><br/>Kenson Lai：走私？樓主你明唔明咩係走私先？呢d菜應該係d婆婆自己地種既，頂多佢地係冇牌既小販。<br/><br/>Judy Wong：班婆婆純粹賣自己種既菜，種左又食唔晒，搵小小錢之餘，又可以同啲街坊So So(聯誼)下，呢啲就係班老人家生活既一部份，香港人太敏感喇！<br/><br/>Roy Cheung：新界好多人種菜，一早跨區賣，競爭無咁大，阿婆賣少少生活費，唔好搞人啦！