網民熱話：新公司突反口　打工仔轉工變失業

每年3、4月均為轉工旺季，不少打工仔四出搵工，以求找到理想工作。但即使搵到新工，在舊工與新工交接期，亦可能出現「意外」，一不小心更可能新舊工作都失去，屆時真的賠了夫人又折兵，變成「慘慘豬」。

近日有網民在網上論壇貼文，聲稱覓得一份新工作，原打算給予舊公司一個月離職通知期，惟因新公司稱急需人手，要求他盡快上班，樓主惟有向舊公司賠償半個月薪金，提早半個月離職。豈料，最近新公司卻通知他，因公司內部變動，決定不再聘用新人，樓主眼見新工上工無望，舊工又已賠償半個薪金，必須離職，損失慘重之餘，更感徬徨無助，在網上作出求助。

大部分網友均對樓主深表同情，寄望他能盡快再找另一份工作。有網友認為無論如何都不應賠錢離職，亦有網友指，除非與新公司已簽署合約，否則口頭協議難以追究。不過，有網友指即使已簽約，除非是極高層或合約工，否則亦可能在新公司上班半天之後被解僱，與是否簽約沒有大分別，故只能大嘆倒霉。

網民有話說：

福娃之王rev2：其實撞到尼(呢)d公司，只有講句自己唔好彩

Harmsx：除非新公司係超大型公司，否則我都唔會賠錢走，而家細公司仔好無信用

Simon_mme：簽都無用，佢比你返一、兩日工，出兩日糧比你，轉頭叫你走都可以無事，試用期一樣可以飛起你。公司有律師教佢走法律罅，點同佢玩。