東網電視
更多新聞短片
印傭手上粉紅色「閃石」gel甲，埋單實收1,200元，黎小姐指摘該美甲店營商手法不良。(黎小姐提供)
女士情迷gel甲，貪其美觀大方，有僱主今日(25日)於facebook發貼，不忿家中印傭姐姐被旺角花園街某美甲店欺騙，原本索價300多元的gel甲，但最終埋單實收1,200元。該僱主言辭激動，指摘該美甲店營商手法不良，「有咩理由連工人姐姐都呃，佢哋一個月先賺4千幾蚊！」
東網記者今午聯絡該發貼僱主黎小姐，她指其印傭7月回鄉度新年，「佢幾年先返一次，梗係想靚啲返去，所以去整咗gel甲」，印傭返港後詢問洗甲方法，黎小姐八卦追問下，赫然得悉印傭懷疑被騙，「我問佢整咗幾錢，佢話千幾蚊，我仲以為喺印尼整咗千幾蚊，點知原來係港幣！」
黎小姐續指，其印傭進入店舖時，獲告知整gel甲價格為300多元，認為尚可負擔得來，豈料完成後，店員埋單竟收取近1,300元，「間舖頭話因為加咗石，而且係逐粒計」，店方經拉鋸下始同意減收費用，但僅願減至1,200元，印傭無奈付款，帶着一對粉紅色「閃石」玉手及沉重心情歸家。
「枉我縱橫指甲界咁多年，做咗咁多年甲，呢個款要千幾蚊，唔好玩啦！」本身有整gel甲的黎小姐忿忿不平，「就算去到中環，都唔使呢個價位啦！何況佢手上呢啲根本唔係閃石，極其量只可話係銀色圓貼紙！」她指印傭個性善良，得悉真相後僅眼泛淚光和無奈地稱「無辦法啦」。被問到會否向消費者委員會投訴，黎表示會再作打算，期望發貼後可警醒其他有意幫襯的消費者，免再中招。不少網民為印傭姐姐抱不平，認為好可憐，印傭一心想整靚指甲卻被人呃錢，亦有留言呼籲大家唱衰黑店。
網民有話說
May Lau：咁樣呃錢，好過分
Katie Leung：好可憐，一心想整靚靚就比(畀)人呃
Usana Chibi：其實係咪可以告佢商品說明條例加行騙
※緊貼網民熱話，掌握最熱話題，請關注網民熱話fb：
