吊櫃壓人：安裝需用爆炸螺絲及深入牆

有吊櫃跌下壓傷人，有專家稱，用四口膠塞螺絲固定吊櫃「肯定唔夠力同唔持久」，因無論吊櫃是輕或重，膠塞都會隨時間老化或變硬，減弱承托力及與石屎牆的摩擦力，而家居牆身不時都有震動，此時吊櫃便會有塌下的危險，他更指裝修師傅用膠塞螺絲「好唔應該」。

他續稱，安裝吊櫃需用爆炸螺絲，它分有兩種，一般家居吊櫃都用拉爆螺絲固定在牆身，拉爆螺絲因特別構造，會「愈拉愈緊」，較為穩固。他指安裝時天花底最少要3粒，牆身則要4粒，會較穩陣，惟要視乎吊櫃的大小和重量而定。另外，螺絲要起碼入牆一吋半至兩吋，因牆身面是批盪，若入牆不夠深會減低承托力，構成危險。